Historia e futbollit do të ishte ndryshe: Ronaldo ka mundur të luante me Messin, pasi Ferguson ia ofroi Barcës para se të shkonte te Reali

Kalimi i Cristiano Ronaldos nga Manchester Unitedi te Real Madridi në vitin 2009 do të mbahet mend përgjithmonë si një nga më të mëdhenjtë ndonjëherë.

Transferimi i portugezit nuk do ta mbahet mend vetëm për çmimin i cili theu rekordin botëror në 94 milionë euro, por ishte një transferim që ndryshoi lojën, duke filluar një epokë të re jo vetëm për Realin, por për futbollin botëror.

Los Blancos kishin superyllin e tyre, lojtarin që do t’i drejtonte ata drejt një periudhe shumë të suksesshme në historinë e tyre dhe përgjigjen e tyre për Barcelonën.

Katalunasit sapo kishin fituar çdo trofe të mundshëm në sezonin debutues të Pep Guardiolas si trajner, duke zbuluar mënyrën e lojës dhe duke frymëzuar një ndryshim të taktikave në të gjithë botën.

Lexo po ashtu Njëzet sulmuesit më të mirë në pesë ligat kryesore të Evropës këtë sezon bazuar në statistika

Ata dukeshin të vendosur për një dominim afatgjatë dhe përgjigjja e Realit ishte të shpenzonte shumë nën presidentin legjendar, Florentino Perez.

Emra si Leite Kaka dhe Xabi Alonso gjithashtu arritën, por Ronaldo ishte ylli dhe lojtari për të cilin shpresonin se do të ndalonte Barcelonën në gjurmët e tyre. Por, gjërat mund të kishin dalë ndryshe nëse trajneri i Unitedit, Sir Alex Ferguson do të pyetej totalisht.

Ferguson nuk donte që Ronaldo të largohej nga Unitedi, por pasi kuptoi se nuk mund të ndryshonte mendjen e lojtarit, ai kishte një plan tjetër, të transferohej kudo tjetër, por jo te Reali.

Skocezi hapur nuk e pëlqente klubin spanjoll, duke thënë në vitin 2008 se ai nuk do t’i ‘shiste atyre një virus’, e lëre më lojtarin e tij më të mirë.

Realisht, vetëm një klub tjetër mund ta kishte arritur Ronaldon në 2009 dhe ai klubi ishte rivali i urryer i Realit, Barcelona.

Lexo po ashtu Dhjetë dribluesit më të mirë në botë që nga sezoni 2006/07 - Messi larg më i miri, Ronaldo i pesti dhe Neymar i dhjeti

Sipas gazetës AS, Ferguson kontaktoi Barcelonën dhe inkurajoi ata për një ofertë, por doli që mendja e Ronaldos ishte vendosur për Realin dhe ai nuk ndryshonte.

Është e mahnitshme të mendosh se sa gjëra do të kishin ndryshuar nëse Ferguson do të arrinte ta bindte Ronaldon të transferohej në Camp Nou.

Messi dhe Ronaldo do të kishin luajtur së bashku, duke anuluar ndoshta rivalitetin më të madh të futbollit ndonjëherë, ndërsa Barcelona do të ishte dominuese në të gjitha garat. /Telegrafi/