Dhjetë ekipet më të vlefshme në botë momentalisht – City i pari, Barcelona e treta dhe Juventusi i teti

Faqja e njohur sportive ESPN ka publikuar listën e dhjetë ekipeve më të vlefshme momentalisht në botë, ku listën i prin Manchester City.

Viteve të fundit është investuar shumë nga klubet evropiane të futbollit, duke shpenzuar shifra të çmendura për transferime.

Megjithatë, disa klube kanë bërë transferime të qëlluara dhe disa tjera jo, duke ndikuar kështu në vlerën e ekipit.

Lexo po ashtu Vlera e 32 klubeve që do të luajnë në Ligën e Kampionëve është 16 miliardë euro

Faqja e njohur sportive ESPN ka publikuar listën e dhjetë ekipeve më të vlefshme momentalisht në botë.

Lista e tyre thuhet se është marr nga të dhënat e faqes së specializuar së transferimeve Transfermarkt.

Në vendin e parë si ekipi më i vlefshëm në botë është Manchester City 1.1 miliard funte apo 1.23 miliard euro, ndërsa ndiqet nga Real Madridi që ka vlerë 1.19 miliard euro.

Vendi i tretë mbahet nga Barcelona me vlerë 1.14 miliard euro, vendi i katërt nga Liverpooli me vlerë 1.07 miliard euro, ndërsa vendi i pestë i takon Paris Saint-Germain me 1.06 miliard euro.

Lexo po ashtu Formacioni më i shtrenjtë në histori me Maguiren si pjesë e tij: Kjo 11-she e kalon shifrën e 1 miliard eurove dhe ka disa befasi brenda

Në vend të gjashtë renditet Tottenhami me vlerë 982 milionë euro, vendi i shtatë nga Bayern Munichu me vlerë 869 milionë euro, teksa në vend të tetë renditet Juventusi me vlerë 867 milionë euro.

Vendi i nëntë i takon Atletico Madridit me vlerë 821 milionë euro, ndërsa dhjetëshja mbyllet me Chelsean që ka vlerë prej 778 milionë euro. /Telegrafi/