BFI: Dënojmë vendimin e Gjykatës Kushtetueses për nisjen e procedurës për deakreditimin e Medresesë Isa Beu

Bashkësia Islame në Maqedoninë e Veriut ka reaguar në lidhje me ndaj vendimit të kushtetueses për iniciativën për fillimin e procedurës për vlerësimin e kushtetutshmërisë së Vendimit të Qeverisë së RMV-së, me të cilin Medreseja “Isa Beu” në Shkup themelohet si shkollë e mesme.

Nga atje nënvizojmë faktin që Akti për themelimin e Medresesë̈ është sjellë në saje të Ligjit për arsimin e mesëm (“Gazeta Zyrtare” e RM-së, nr. 64/18) në procedurë transparente duke kaluar të gjitha filtrat e përcaktuar nga ligjvënësi ashtu siç subjektet tjera fizike e juridike kanë themeluar dhe themelojnë̈ institucione arsimore në vend.

“Mbetemi, skajshmërisht të habitur me faktin se si Gjykata Kushtetuese vendos të shqyrtojë një “akt pëlqimi” kur mirëfilli dihet se e njëjta shqyrton iniciativa për vlerësimin e kushtetutshmërisë së një ligji dhe dispozitave të përgjithshme juridike. Është për tu habitur se si shumica e gjyqtarëve kushtetues i vë mision vetes që të mbrojë sekularizmin ndërsa sekularizmi nuk përmendet askund në Kushtetutën e RMV-së?!

Plot 15 vite Bashkësia Fetare Islame ka bërë shumë përpjekjepër të akredituar Medresenë, përpjekje kjo që u kurorëzua me themelim. Në këtë vend, nënvizojmë që Medreseja është themeluar me Aktin për themelimin e shkollës së mesme private “Medreseja Isa Beu” nga Bashkësia Fetare Islame në RMV nr. 02-268, të datës 09.05.2024, kurse themelimi është miratuar me Vendim përdhënien e miratimit për themelimin e Shkollës së Mesme Private “Medreseja Isa Beu” nr. 41-3741/2 të datës 26.03.2024 nga Qeveria e Republikës së Maqedonisë së Veriut dhe të verifikuar me Vendim për verifikimin e kushteve për zbatimin e plan programeve nga Ministria e Arsimit dhe Shkencës me Vendimin nr. 13-3722/3 të datës 09.04.2024”, thuhet në reagimin e BFI-së.

Nga atje thonë se Plan programet e Medresesë morën dritë jeshile nga Byroja për arsim, kurse kuadri mësimor dhe ai profesional kaloi filtrin e Inspektoratit Shtetërorpër Arsim gjë që rezultoi në marrjen e mendimit të tretë nga Ministria e Arsimit dhe Shkencës dhe Vendimit nga Qeveria e RMV-së për akreditimin e Medresesë Isa Beu.

“Deklaratat e autoriteteve aktuale të Ministrisë si ajo e Zv. Ministrit për arsim të Qeverisë mbi statusin e akreditimit të Medresesë, fatkeqësisht u vunë në sprovë nga iniciativa e qytetarit Slavko Nikolov për të vlerësuar kushtetueshmërinë Vendimit ë Qeverisë”, thuhet në reagim./Telegrafi/