ASK publikon të dhënat për tregtinë e jashtme: Deficit tregtar prej 17,5% në dhjetor 2024

Agjencia e Statistikave të Kosovës (ASK) ka publikuar raportin mbi rrjedhat e eksportit dhe importit për muajin dhjetor 2024, ku është evidentuar një deficit tregtar prej 17,5%, krahasuar me periudhën e njëjtë të vitit të kaluar.

Deficiti tregtar për dhjetor 2024 ka arritur në 561,5 milionë euro, duke shënuar rritje nga 477,7 milionë euro që ishte në dhjetor 2023.

Eksporti mbulon importin me vetëm 11,0%.

Eksportet në dhjetor 2024 kanë arritur vlerën prej 69,6 milionë euro, duke shënuar një rritje prej 6,5% krahasuar me vitin 2023.

Ndërkohë, importet kanë arritur në 631,1 milionë euro, duke regjistruar një rritje më të lartë prej 16,2%.

Sipas të dhënave të ASK-së, grupet kryesore të eksporteve janë:

Metalet bazë dhe artikujt prej tyre – 20,3%
Ushqimet e përgatitura, pijet dhe duhani – 14,9%
Plastika, goma dhe artikujt prej tyre – 11,5%

Artikujt e ndryshëm të prodhuar – 7,3%
Produktet minerale – 59,8%

Ky raport pasqyron varësinë e lartë të Kosovës nga importi dhe sfidat e përhershme për të balancuar tregtinë e jashtme.

Ndërkohë, rritja e eksporteve, ndonëse modeste, përbën një tregues pozitiv që kërkon politika të mëtejshme për mbështetjen e prodhuesve lokalë dhe fuqizimin e konkurrencës në tregjet ndërkombëtare./Telegrafi/