FA ka zgjedhur zëvendësuesin e Southgate dhe janë të gatshëm ta presin atë – emërimi duket i pamundur

Federata Angleze e Futbollit (FA) thuhet se ka zgjedhur zëvendësuesin e tyre ideal për Gareth Southgate dhe janë të përgatitur ta presin atë.

Të martën u njoftua se Southgate kishte përfunduar mandatin e tij tetë vjeçar në krye të kombëtares së Anglisë.

Humbja në finalen e Euro 2024 ndaj Spanjës, e shkaktuar nga një gol i Mikel Oyarzabal në Berlin, ishte ndeshja e 105-të dhe e fundit e Southgate në krye.

Pasi u ngjit nga U-21 në ekipin e parë më 2016, Southgate udhëhoqi Anglinë në dy finale dhe në vendin e katërt në Kupën e Botës ‘Rusi 2018’.

Drejtuesit e FA kanë filluar tashmë procesin e zëvendësimit të Southgate, me emra si Eddie Hoëe dhe Graham Potter të lidhur ngushtë me rolin e trajnerit.

Dhe ndërsa ata do të preferonin që ky proces të përfundonte sa më shpejt, Miguel Delaney nga mediumi The Independent pohon se ata janë të gatshëm të presin trajnerin e tyre të ëndrrave siç bënë me Sarina Wiegman dhe ‘luaneshat’.

Sipas një raporti të ri, FA e sheh Pep Guardiolën si një “kandidat të jashtëzakonshëm” dhe do të ishte e përgatitur të emëronte një menaxher të përkohshëm përpara se të ndërmerrte gjithçka për spanjollin.

FA would consider putting in an interim – Carsley – if Guardiola were possible, and he left City at end of next season

Similar approach was used for Wiegman

A lot of complications, though, and Guardiola may not even decide until late in seasonhttps://t.co/YkOlm9b8B3

— Miguel Delaney (@MiguelDelaney) July 16, 2024

Më parë shanset për të sjellë gjashtë herë fituesin e Ligës Premier, Guardiola shiheshin si të pakta, por tani ekziston ndjenja se ai mund të jetë i disponueshëm në vitin 2025, kur kontrata e tij me Manchester City skadon.

City është ende duke punuar për ta bindur atë të qëndrojë, por çdo vendim do të varet nga Guardiola dhe do të merret në kohën e duhur.

Që kur u transferua te City në vitin 2016, Guardiola ka pasur një ndikim transformues në mënyrën se si luhet futbolli në këto brigje dhe ka ndihmuar zhvillimin e shumë lojtarëve anglezë.

Guardiola kuptohet se është kundër drejtimit të Spanjës për shkak se ai është një katalunas krenar, por ka shprehur një interes për menaxhimin e një kombëtareje.

Brazili është përpjekur ta marrë atë më parë, por FA do të përdorte sfidën për t’i dhënë fund pritjes së Anglisë për lavdi si një taktikë bindjeje.

Ndeshjet e ardhshme të Anglisë janë në shtator, kur ata do të përballen me Republikën e Irlandës dhe Finlandën në Ligën e Kombeve. /Telegrafi/