Zbulohen specifikimet e smartphone Sony Xperia 1 VI

Sony duhet të prezantojë smartfonin Xperia 1 VI më 17 maj, por specifikat e tij u zbuluan para kësaj ngjarje.

Xperia 1 VI do të mundësohet nga procesori Snapdragon 8 Gen 3 i Qualcomm dhe do të ketë një kamerë kryesore (24 mm), ultra të gjerë (16 mm) dhe telefoto (85 – 170 mm) në anën e pasme. Kamera e zmadhimit shkon më tej se Xperia 1 V me një maksimum prej 125 mm, por pjesa tjetër e specifikimeve duken identike. Kamera kryesore e Xperia 1 VI do të mbështesë fotografinë makro dhe Sony do ta promovojë atë duke pretenduar se mund të rivalizojë kamerat e tij reale.

Revolucioni i vërtetë vjen në formën e softuerit dhe pas viteve të përdorimit të shumë aplikacioneve të kamerave, këtë herë do të ketë vetëm një aplikacion të frymëzuar nga seria e kamerave Alpha të Sony.

Xperia 1 VI do të shfaqë “teknologjinë e vlerësimit të pozave njerëzore” të huazuar nga seria Alpha, e cila do t’i lejojë subjektet të fokusohen me saktësi edhe kur janë përballë ose kur fytyrat e tyre të errësuara. Do të ketë gjithashtu një aplikacion të ri Video Creator, i cili do të thjeshtojë prodhimin e videove.

Xperia 1 VI do të ruajë folenë e kufjeve 3.5 mm, ndërsa altoparlantët do të ofrojnë zë edhe më të qartë dhe bas më të avancuar.

Smartphone ka një xham me teksturë në anën e pasme dhe klientët do të mund të zgjedhin midis ngjyrës së zezë dhe argjendit platin.

Pritet që ekrani të ketë një format më të gjerë 19.5:9, si dhe që paneli i tij OLED të jetë 1.5x më i ndritshëm në krahasim me ekranin Xperia 1 V, ai gjithashtu do të ketë një shpejtësi të ndryshueshme rifreskimi nga 1 në 120 Hz dhe një mostër shpejtësia prej 240 Hz.

Pajisja do të mundësohet nga një bateri me kapacitet 5000 mAh, jetëgjatësia e së cilës është zgjatur në katër vjet falë teknologjisë së re. Bateria do të mbështesë karikimin pa tel dhe të kthyeshëm. /Telegrafi/