A mund të bëhet seksi i rastësishëm një lidhje serioze dashurie?

Shumë persona vendosin të bëjnë seks rastësor për të “verifikuar” partnerin përpara se të vendosin për një lidhje serioze

Fakti që më pak femra dëshirojnë të praktikojnë seks për një natë ofron një shpjegim se femrave nuk u garantohet se do të shijojnë një seks të tillë.

Sipas hulumtimit të sociologes Elizabeth Armstrong, femrat në marrëdhënien e tyre të parë seksuale me dikë që nuk e njohin mirë, përjetojnë orgazëm vetëm në 35% të rasteve, krahasuar me meshkujt që nuk e kanë problem të kënaqen me një të panjohur që i tërheq.

Mund të habiteni nga informacioni se seksi i rastësishëm me dikë mund të kthehet në një lidhje serioze dashurie.

Shumë persona vendosin të bëjnë seks rastësor për të “verifikuar” partnerin përpara se të vendosin për një lidhje serioze, transmeton Telegrafi.

Në fakt, pse të mos zbuloni fillimisht nëse ka tërheqje seksuale mes tij dhe një partneri të mundshëm? Gjithashtu mund të ndodhë që një person të dëshirojë diçka më shumë sesa seks të “dakorduar” për shkak të butësisë dhe vëmendjes që i kushtojnë njëri-tjetrit pas vetë lidhjes.

Nëse ky mendim ju përndjek, ka disa hapa që duhet të ndërmerrni për të ditur menjëherë se çfarë po bëni:

1. Mundohuni të zbuloni nëse partneri juaj është gjithashtu i interesuar

Kushtojini vëmendje fjalëve ose veprimeve të partnerit tuaj. Për shembull, nëse ai ju dërgon sms natën vonë për të rregulluar se kush do të vizitojë kë, është e qartë se ai ka vetëm një gjë në mendje. Por nëse ai ju thërret ndonjëherë për të pyetur se si jeni, ose për të ndarë me ju një ngjarje të rëndësishme të jetës, keni vend për plane…

Lexo po ashtu Kur seksi i rastësishëm është ide fantastike

2. Filloni shoqërimin më të shpeshtë

Nëse doni ta ktheni një marrëdhënie të rastësishme në diçka të përhershme, guximi është gjithashtu i rëndësishëm. Ju mund të sugjeroni të shkoni së bashku në një festë ose një shfaqje teatrale… Jo vetëm që do të mund të dalloni nga përgjigja e tij se çfarë mendon për këtë, por do të jeni në gjendje ta njihni personin jashtë dhomës së gjumit në një dritë të re.

3. Sqarohuni!

Nëse jeni vërtet të interesuar për një lidhje serioze, hapi tjetër është të shprehni ndjenjat tuaja të vërteta, sepse ka shumë mundësi që ai të dëshirojë atë që ju dëshironi. Nëse ndodh e kundërta, do të dini se ku qëndroni dhe mund të vazhdoni pa u penduar. /Telegrafi/