Arabia Saudite përzgjidhet nikoqire e Kupës së Botës për Klube

Arabia Saudite është zgjedhur nikoqir për Kupën e Botës për Klube të këtij viti.

Këshilli i FIFA-s, i përbërë nga përfaqësues nga të gjitha konfederatat kontinentale, zgjodhi unanimisht shtetin e Lindjes së Mesme si mikpritës për ngjarjen me shtatë ekipe, e cila është planifikuar të zhvillohet nga 12 deri më 22 dhjetor.

Vendi është raportuar gjithashtu të jetë në ofertë për të bashkë-organizuar Kampionatin Botëror për meshkuj 2030 me Egjiptin dhe Greqinë, së bashku me ofertat e konfirmuara rivale nga Spanja, Portugalia dhe Ukraina dhe një nga katër kombe të Amerikës së Jugut.

Këshilli konfirmoi se Kongresi i FIFA-s do të merrte një vendim se kush do t’i presë ato finale në tremujorin e tretë të vitit të ardhshëm, raporton SportMail.

Shtëpia e futbollit botëror është duke i dhënë hapësirë të madhe Lindjes së Mesme për organizimin e eventeve të mëdha në futboll, pas atij të Kampionatit Botëror.

Kupa e Botës e fituar nga Argjentina në dhjetorin e vitit të kaluar, demonstroi se vendet arabe dinë të bëjnë organizime perfekte dhe për më shumë cilësohet si njëri ndër turnetë më të mirë ndër vite. /Telegrafi/