Angel Correa shënon një nga golat më të çuditshëm në histori, goli i tij u konsiderua i rregullt pasi ai u zëvendësua dhe ishte ulur në bankë

Asnjëherë nuk ishte parë diçka e tillë në një ndeshje futbolli. Një lojtar që tashmë ishte zëvendësuar shënoi një gol dhe e festoi në bankë me xhup të veshur!

Gjithçka për shkak të ngadalësisë së VAR-it për të rishikuar një gol që ishte anuluar nga gjyqtari Mateu Lahoz me kërkesë të asistentit të tij.

Ishte minuta 59:40 kur Ángel Correa gjeti rrjetën me një goditje të fortë brenda zonës.

Goli u anulua dhe festimi i tij mezi zgjati as një sekondë. Gjysmë minutë më vonë, kur rezultati ndeshje kishte 60 minuta e 15 sekonda, argjentinasi u largua nga fusha duke u zëvendësuar nga Carrasco.

Por VAR vazhdoi të rishikonte rastin. Dhe kur ora e ndeshjes shkoi në 61 minuta e 40 sekonda, Mateu bëri gjestin e ‘ekranit’ në ajër dhe tregoi me gisht te mesi i fushës.

Goli ishte i vlefshëm dhe bashkëlojtarët u vërsulën drejt bankës rezervë për të festuar me Correan, i cili tashmë ishte ulur në stol, madje kishte veshur edhe xhup.

LAS COSAS INSÓLITAS DEL VAR 🖥️

Ángel Correa metió un gol pero el juez de línea lo anuló por offside y el Cholo Simeone decidió mandarlo al banco. 👎

Minutos después, el VAR revisó la jugada y concedió el único gol del empate entre el Atlético Madrid y Getafe. ⚽ pic.twitter.com/HzxGfAKwwb

— Teveo Fútbol ⚽ (@TeveoFutbol) February 4, 2023

Kampioni i botës u kërkoi bashkëlojtarëve hapësirë ​​dhe pas dy hapash të shpejtë u hodh me grusht në ajër në një nga festimet më të çuditshme të golit. /Telegrafi/