Rrëfimi i ushtarëve ukrainas: Pjesëtarët e Wagnerit drogohen para se të nisen në betejë – shkelin mbi kufomat e bashkëluftëtarëve

Ushtarët ukrainas kanë bërë një përshkrim të detajuar të rekrutëve të grupit mercenar rus Wagner, të cilët i quajtën përbindësha.

Ky grup kryesisht përbëhet nga ish-të burgosur të dënuar për vrasje, përdhunime e kanibalizëm, transmeton Telegrafi.

Inteligjenca ushtarake e Kievit thotë se ata fillimisht “mbushen” mirë me drogë dhe më pas nisen drejt frontit, ku në disa raste kanë vrapuar mbi kufomat e bashkëluftëtarëve për ta shpëtuar kokën.

Shumicës prej tyre i është premtuar liria në këmbim të shkuarjes në Ukrainë. Pra nëse i mbijetojnë luftës, do t’ju pastrohet dosja kriminale.

Ata janë një grup vrasësish, përdhunuesish, hajna dhe gangsterë që tani e përbëjnë shumicën e ushtarëve rusë që janë dërguar në Ukrainë për të luftuar.

Ushtarët ukrainas Andriy dhe Borisych duke folur nga Bakhmuti i rrethuar, kanë thënë se kanë luftuar kundër qindra ushtarëve të Wagnerit.

“Ata u ngjitën në maje të kodrës, duke shkelur mbi kufomat e bashkëluftëtarëve, të cilët nuk hezitonin t’i shkelnin. Ata konsumojnë në sasi të mëdha drogë para se të dërgohen në front”, thanë këta dy ushtarë ukrainas.

Andriy kujton momentin kur së bashku me 20 ushtarë tjerë ukrainas, luftuan për më shumë se 10 orë kundër 200 ushtarëve rusë.

Ai tha se në një moment u janë nxehur aq shumë kallashnikovët, sa që detyroheshin t’i ndërronin.

“Pushkët tonat u nxehën aq shumë, sa që tyta filloi të shkrihet”, shtoi ai. /Telegrafi/