Agresioni ushtarak rus i Ukrainës po shoqërohet me pasoja edhe jashtë kufijve të vendit. Tre muaj pas luftimeve të pakuptimta dhe brutale të Rusisë, Programi Botëror i Ushqimit i Kombeve të Bashkuara (WFP) paralajmëron krizë botërore si pasojë e pushtimit.
E njohur si shporta e bukës, Ukraina ka qenë prej kohësh një nga prodhuesit dhe eksportuesit kryesorë të bujqësisë në botë. Në përpjekjen e saj për të nënshtruar Ukrainën, Rusia ka sulmuar depot ushqimore, ka vjedhur të korrat dhe pajisjet bujqësore, duke shkatërruar kapacitetet e përpunimit dhe transportit të ushqimit dhe më e rëndësishmja, duke bllokuar portet ukrainase në Detin e Zi për të parandaluar eksportin e grurit nga ky vend.
Veprimet e Rusisë po destabilizojnë drejtpërdrejt tregjet botërore të ushqimit, ndërsa dezinformimi dhe propaganda ruse po i përkeqësojnë tensionet si një përpjekje për të shmangur fajin dhe minuar mbështetjen botërore për Ukrainën, shkruan EUvsDisinfo, përcjell Telegrafi.
Ekosistemi i dezinformimit dhe propagandës së Kremlinit synon të bindë audiencën botërore se sanksionet ndërkombëtare të vendosura ndaj Rusisë janë fajtore për rritjen e çmimeve të ushqimeve dhe karburanteve. Mesazhe të tilla janë shpërndarë në shumë gjuhë, në Evropë, në fqinjët e saj dhe më gjerë dhe kanë marrë jehonë në mediet kineze, duke rritur shtrirjen e tyre botërore.
Në fakt, sanksionet ndërkombëtare të vendosura ndaj Rusisë kanë për synim zbehjen e aftësisë së Kremlinit për të financuar agresionin e tij ushtarak – shkaku kryesor i krizës së ushqimit – dhe jo sektori bujqësor. Sanksionet kanë përjashtime në lidhje me eksportin dhe transaksionet që lidhen me produktet ushqimore dhe bujqësore.
Rusia gjithashtu po përdor forume diplomatike për të pretenduar se Ukraina po transporton grurë në BE, për të paguar Perëndimin për furnizimet me armë, duke ilustruar edhe një herë se diplomatët rusë janë bërë pjesë e makinës së propagandës së Kremlinit. Mesazhe të ngjashme dezinformuese pretendojnë se është Ukraina ajo që po bllokon anijet në portet e saj – një pretendim i kundërshtuar nga verifikuesit e fakteve në vend.
Veçanërisht, mesazhet e mëparshme dezinformuese pro-Kremlinit, drejtuar audiencës botërore, portretizuan agresionin e Rusisë kundër Ukrainës si një përgjigje ndaj një “komploti perëndimor”. Tani këto narrativa po e ndihmojnë kuadrin e gënjeshtrave që rrezikojnë sigurinë botërore të ushqimit – “fajin e ka Perëndimi”.
Për audiencën rusisht-folëse, mediat pro-Kremlinit kanë diçka edhe më tinëzare. Përgjatë viteve, dezinformatat e kanë mohuar vazhdimisht Holodomorin, një krizë ushqimore e krijuar nga Stalini për të shkatërruar fshatarësinë ukrainase, që mori miliona jetë përgjatë viteve 1930.
Aktualisht, mediet pro-Kremlinit po pretendojnë se Rusia është ajo që e pengon Kyievin të organizojë një Holodomor të ri në Ukrainë, duke bllokuar portet ukrainase në Detin e Zi. Në një mënyrë tipike “orwelliane”, Rusia po paraqitet si “shpëtimtare” ndaj veprimet e pretenduara të Ukrainës, që po krijojnë një krizë botërore ushqimore. /Telegrafi/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Respekti dhe vlerësimi i punëtorëve refletojnë në suksesin e Emona Center
Relaksim në përjetësi, me “Holiday In 2” t’gjitha i ki
Fito udhëtim në çift me IP Petrol!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe