Audio-incizimi që zbulon humbjet katastrofike, të një njësie të tërë të ushtrisë ruse në luftimet në Ukrainë

Shtatë ditë janë bërë që kur Rusia filloi invazionin e plotë të Ukrainës, por mbetet akoma e paqartë sesa dëme të mëdha ka pësuar ushtria e Vladimir Putinit.

Qeveria ukrainase tha sot se 5.840 ushtarë rusë janë vrarë në luftimet me forcat ukrainase, transmeton Telegrafi.

E Rusia lëre që nuk po e pranon humbjen që e ka pësuar qysh në ditën e katërt, por edhe po i fsheh shifrat e ushtarëve të vrarë apo makinerisë së shkatërruar ushtarake.

Lexo po ashtu Mbi 1.000 vullnetarë për të luftuar kundër ushtrisë ruse në Ukrainë

Por video dhe fotografi të ndryshme të shkrepura nga vija e frontit, tregojnë se forcat ruse kanë pësuar një debakël në terren.

E një audio-incizim i siguruar nga Kyiv Independent, është një dëshmi shtesë që mbështet këto pretendime të qeverisë ukrainase, ku dëgjohet një grua duke folur për pjesëtarët e brigadës së motorizuar ruse, që kanë qenë në vijën e parë të frontit në Ukrainë.

Ajo pranon se dhjetëra ushtarë rusë janë vrarë në aksione ushtarake në afërsi të qytetit Chernihiv, si rezultat i rezistencës së paparë ukrainase.

Lexo po ashtu Momenti kur ndërtesa e stacionit të policisë në Kharkiv, fillon të shembet pas bombardimit nga forcat ruse

Kyiv Independent ka siguruar audio-incizimin përmes Whatsapp, ku një grua nga Aleysk i Rusisë rreth 3.500 kilometra larg Kievit,  flet për brigadën e 35-të të motorizuar të ushtrisë ruse.

Gruaja e paemëruar dëgjohet duke thënë se siç miqtë në një grup në WhatsApp, i kanë treguar se brigada e tankeve është shkatërruar plotësisht në Ukrainë.

Lexo po ashtu Ukraina publikon të dhënat, sa i përket ushtarëve të vrarë rusë dhe mjeteve ushtarake të shkatërruara

Në veçanti ajo përmend sesi vetëm 18 ushtarë nga 150 sa ishin në atë njësi kanë shpëtuar gjallë – pasi u goditën rëndë nga trupat ukrainase.

Madje pranon se ishte dëshmitare kur arritën 45 kufoma, që ishin kryesisht ushtarë të rinj. E disa prej të vrarëve ishin fqinjë të saj. /Telegrafi/