Sharja dhe ofendimi i Arnautovicit kundrejt Alioskit ka bazë në raportet ndërmjet serbëve dhe shqiptarëve

Marko Arnautovic është një prej temave kryesore të këtij Evropiani – natyrisht për të keq, pasi ka bërë sharje ofenduese në drejtim të futbollistit shqiptar të Maqedonisë së Veriut, Ezgjan Alioski.

Incidenti ndodhi në momentin e golit të shënuar nga sulmuesi i Austrisë në ndeshjen ndërmjet dy përfaqësueseve, të cilën e fituan austriakët me rezultat 3-1.

Mediat serbe kanë raportuar se futbollisti i Shanghai Port e ka sharë në serbisht mesfushorin e Leeds United duke e ditur se ai do ta kuptonte.

Arnautovic ka lindur në Floridsdorf, një qark në pjesën veriore të Vjenës, nga një baba serb dhe nënë austriake, ndërsa është i fesë ortodokse.

Lexo po ashtu Dyshohet se Arnautovic e ofendoi rëndë në baza etnike Alioskin – Presidenti i FFM-së, Muhamed Sejdini thotë se UEFA do të marr masa

Sipas Goal, përdorimi i gjuhës së tillë ka bazë në konfliktin ndërmjet serbëve dhe shqiptarëve – duke qenë se Arnautovic e ka babanë serb, kurse Alioski është shqiptar.

Përveç sharjes (“Unë ta q*** nënën shqiptare”), reprezentuesi i Austrisë besohet të ketë përdorur edhe një ofendim racist anti-shqiptar, teksa vazhdoi ofendimet deri në momentin kur ndërhyri bashkëlojtari i tij, David Alaba.

Lexo po ashtu Reagon Arnautovic, tenton të 'hesht' akuzat ndaj tij për racizëm: Kërkoj falje, t'i harrojmë gjërat që nuk janë pjesë e futbollit

Sidoqoftë, Arnautovic është përpjekur të tërhiqet nga ofendimet e tij duke thënë se nuk është racist dhe se “ishte një betejë fjalësh gjatë një momenti emocional, nga njëra anë në tjetrën” – derisa në fund ka kërkuar falje edhe në shqip. /Telegrafi/

Luani dhe fitoni shpërblime këtu >

Më shumë lajme nga kampionati Euro 2020 >