Fakti se ushtaret zvicerane do të kenë “të brendshme të tjera” bëhet lajm në mediat botërore
Lajmi se Zvicra do të lejojë ushtaret femra të provojnë versionet e reja të veshjeve të brendshme të grave ka provokuar “një stuhi mediatike”.
“Ushtaret femra të Zvicrës më në fund mund të pushojnë së veshuri të brendshmet për burra”, citohet të jetë shkruar në një titull në CNN këtë javë, ndërsa BBC raportoi se “Zvicra do të lejojë anëtaret femra të ushtrisë të veshin të brendshme femrash për herë të parë në një përpjekje për të rritur rekrutimin”.
Ndërkohë zëdhënësi i ushtrisë zvicerane, Kaj-Gunnar Sievert, shprehu habinë për gjithë vëmendjen që ka marrë veshja e brendshme dhe përshkroi disa nga raportimet si mashtruese, përcjell Telegrafi.
“Nuk është një shaka e 1 Prillit”, ka thënë Sievert në një intervistë për DPA. “Kjo është një gjë shumë serioze”.
Sievert tha se në kundërshtim me atë që ishte shkruar, ushtria zvicerane në të vërtetë kishte ofruar të brendshme femrash pesë apo gjashtë vjet më parë, por më pas i nxori ato pasi u gjet që të ishin “nënoptimale”.
Sidoqoftë, grupe të reja të veshjeve të tilla të destinuara për përdorim së bashku me uniformat ushtarake do të provohen këtë muaj, tha Sievert.
Sipas Sievert, ato janë pjesë e një “sistemi moduli veshjesh” në të cilin gjithçka, nga të brendshmet te kostumi luftarak dhe sistemi i bartjes për çantën e shpinës janë të gjitha së bashku.
Gjithsesi, Sievert nuk e di se sa saktësisht ndryshojnë veshjet e reja nga ato të mëparshmet – pasi ende nuk ka parë një të tillë.
Ndryshe, gratë përbëjnë rreth 1,500 nga 140,000 ushtarët në ushtrinë zvicerane. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Teksa tentoi të vidhte një tjetër, një grua u tregua dinake – por më dinake ishte një dëshmitare e ngjarjes në një shitore të Londrës
Një vajzë e vogël vendosi një kuti në kokë, ajo që ndodhi më pas bëri të qeshin miliona njerëz
Video gazmore e lepurushit dhe fshesës me korrent
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251