Me 24 korrik kalova ditën në Shkodër dhe veç qejfeve tjera i bëra një vizitë (tjetër) Muzeut Nacional të Fotografisë Marubi, ku përpos ekspozitës së përhershme, nga 20 qershori po qëndron e hapur edhe ekspozita e fotografit shkodran Angjelin Nenshati (1929-2008), “Nenshati – dëshmitar mes dy kohëve”, e cila përmban në vete kryesisht fotografi dokumentuese të jetës kulturore nën ombrellën socrealiste si dhe disa sosh nga fillimet e demokracisë shqiptare (1990/1991) ku mund të veçohen 3-4 kompozicione fotografike me përmbajtje religjioze të cilat mund të konsiderohen si të vetmet fotografi estetikisht të qëndrueshme dhe me vlera të theksuara artistike.
Nga pjesa tjetër e fotografive të “zakonshme” bie në sy njëra që mund të konsiderohet me interes edhe për publikun kosovar. Fotografia me numrin rendor 7, në fletushkën e legjendave të ekspozitës ka këtë përshkrim: “7. Vizitë e Bekim Fehmiut në familjen e Bajram Currit, 1972”.
Në vitin 1972, nga data 20 prill deri me 4 maj, aktori ynë i madh Bekim Fehmiu po qëndronte për vizitë në Shqipëri, me ftesën e bërë nga Kino Studio “Shqipëria e Re”. Për dy javë resht aktori kosovar me famë botërore u mirëprit nga shumë institucione kulturore dhe individë të jetës kulturore në Shqipëri duke ndarë me të gjithë përshtypjet e tij për artin dhe kulturën shqiptare. Gjatë kësaj vizite historike Bekim Fehmiu veç Tiranës vizitoi edhe Gjirokastrën, Butrintin, Krujën dhe Shkodrën e fëmijërisë së tij, ku sipas rrëfimeve të vet aktorit, kishte përjetuar edhe dashurinë e parë jetësore. Në Shkodër ai duhej të përmbushte edhe një amanet nga nana e tij: ta vizitonte Dervishe Hanmin, gruan e patriotit Bajram Curri.
Fotografia e shkrepur nga Angjelin Nenshati ku shifet Bekim Fehmiu duke i shtrenguar dorën bashkëshortes së heroit Bajram Curri është realizuar me 29 ose 30 prill të vitit 1972 dhe nuk është publikuar ndonjëherë në mediat e Kosovës. Në fotografi, në krahun e majtë të aktorit kosovar shihet vajza e Bajram Currit, Hajria, si dhe anëtarë tjerë të familjes së ngushtë. Në qendër të pjesës së epërme të këtij kompozicioni fotografik zënë vend portreti në kornizë i diktatorit shqiptar, Enver Hoxha.
Promo
Reklamo këtuLufta Prigozhin - Putin
Më shumëHistoria e fisit Shala
Revolucioni i vitit 1821 në Greqi, ishte revolucion i shqiptarëve!
Vitet e fundit të Ismail Qemalit
Jeta në komunizmin shqiptar
Mitologjia, aset i çmuar i qytetërimit perëndimor
Kështu foli Nietzsche: Të jetuarit është vuajtje, të mbijetuarit është gjetja e një kuptimi për vuajtjet!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'