Çmimi më i madh individual për një futbollist padyshim që është ‘Topi i Artë’, çmim që jepet nga prestigjiozja franceze France Football.

Reklama

Tapeti i kuq do të jetë plot me emrat më të mëdhenj të futbollit botëror në Paris të hënën mbrëma, ndërsa do të shpallet fituesi i çmimit të Topit të Artë 2022.

Këtë vit ka një modifikim në kritere me organizatorin France Football që konfirmon se do të merren parasysh paraqitjet e lojtarëve nga sezoni dhe jo viti kalendarik.

Në Ceremoninë e 66-të të ndarjes së çmimeve për ‘Topin e Artë’, që mbahet sonte me fillimi nga ora 21:00 do të ndahen shtatë çmime prestigjioze për futbollistët meshkuj dhe femra.

Reklama

Së bashku me me ‘Topin e Artë’ do të ndahen çmimet si Trofeu Kopa (për lojtarin më të mirë nën moshën 21 vjeçare) dhe trofeun Yashin ( për portierin më të mirë).

Reklama

Çmimi i sapoemëruar Muller (sipas sulmuesit legjendar gjerman Gerd Muller) do të konfirmohet gjithashtu për sulmuesin më të mirë, së bashku me çmimin Socrates që shënon iniciativat më të mira sociale brenda lojës së bashku me çmimin e klubit të vitit.

Favoriti kryesor për ta fituar Topin e Artë këtë vit është sulmuesi francez Karim Benzema pas një sezoni të jashtëzakonshëm me Real Madridin, ku fitoi edhe Ligën e Kampionëve dhe titullin e kampionit në La Liga.

Reklama

Për herë të parë pas 17 vitesh futbollisti më i mirë në histori, Lionel Messi nuk është përfshirë në rrethin e ngushtë të 30 lojtarëve për ta fituar trofeun individual më të çmueshëm në botë.

Fituesi në fuqi i këtij çmimi është argjetninasi i PSG-së, Lionel Messi.

Reklama

Lista me 30 lojtarët e nominuar për ‘Topin e Artë’ :

  • Thibaut Courtois – Real Madrid
  • Rafael Leao – AC Milan
  • Christopher Nkunku – RB Leipzig
  • Mohamed Salah – Liverpool
  • Joshua Kimmich – Bayern Munich
  • Trent Alexander-Arnold – Liverpool
  • Vinicius Junior – Real Madrid
  • Bernardo Silva – Manchester City
  • Luis Diaz – Porto/Liverpool
  • Robert Lewandowski – Bayern Munich/Barcelona
  • Riyad Mahrez – Manchester City
  • Casemiro – Real Madrid/Manchester United
  • Son Heung-min – Tottenham Hotspur
  • Fabinho – Liverpool
  • Karim Benzema – Real Madrid
  • Mike Maignan – AC Milan
  • Harry Kane – Tottenham Hotspur
  • Darwin Nunez – Benfica/Liverpool
  • Phil Foden – Manchester City
  • Sadio Mane – Liverpool/Bayern Munich
  • Sebastien Haller – Ajax/Borussia Dortmund
  • Luka Modric – Real Madrid
  • Antonio Rudiger – Chelsea/Real Madrid
  • Cristiano Ronaldo – Manchester United
  • Kevin De Bruyne – Manchester City
  • Dushan Vlahovic – Fiorentina/Juventus
  • Virgil van Dijk – Liverpool
  • Joao Cancelo – Manchester City
  • Kylian Mbappe – Paris Saint-Germain
  • Erling Haaland – Borussia Dortmund/Manchester City

Ceremonia do të mbahet në Paris të Francës me fillim nga ora 21:00. /Telegrafi/