Klubet e futbollit që kanë shpenzuar më së shumti në 28 vitet e fundit, befasues dominimi shumëvjeçar i Interit

Në futboll, posaçërisht në atë modern duhet të shpenzosh shumë që të fitosh diçka.

Të gjithë e dimë së në vitet e fundit ka qenë Manchester City apo Paris Saint-Germain klubet që e kanë dominuar tregun e transferimeve në vitet e fundit, por kështu nuk ka qenë gjithmonë.

Marca ka publikuar një grafikë interesante me të dhënat nga BetGoat rreth shpenzimeve të klubeve të futbollit në 28 vitet e fundit.

Në sezonin 1991/92 ishte Barcelona ajo që dominonte, por që u parakalua shpejtë nga Juventusi, e pastaj nga Milani. Por, ajo që është paska befasuese është dominimi i Interit nga sezoni 1997/98 deri në 2004/05.

Viti 2004 duket se ishte pika e ndryshimit, Chelsea u fut fuqishëm në tregun e transferimeve për ta ndryshuar atë pastaj krejtësisht në të ardhmen.

Blutë e mbajtën vendim e parë deri në 2007/08, pastaj ishte koha që Real Madridi të dominonte, teksa në prapavijë Man City po shpenzonte fuqishëm dhe në sezonin 2016/17 klubi anglez mori primatin për shpenzime, gjë që e mban ende kësaj dite me 1.3 miliard euro. /Telegrafi/

Who spent more money?? pic.twitter.com/b3nQPA3XG1

— BetGOAT (@BetGoatUK) March 16, 2019