Zhvillimi i robotëve humanoidë, nga Meta thonë se kanë një qëllim të ri

Meta njoftoi fokusimin në investime të reja në sferën e robotëve humanoidë.

Kompani amerikane ka njoftuar ngritjen e një ekipi të ri kërkimi dhe zhvillimi që do të merret me robotët humanoidë, me qëllimin kryesor për të shfrytëzuar maksimalisht aftësitë e platformës Llama AI, bëri të ditur shefi i teknologjisë së kompanisë, Andrew Bosworth.

Lëvizja shënon një zgjerim strategjik të investimeve të Metës në inteligjencën artificiale, shkruan Reuters.

Mark Witten, ish-drejtori ekzekutiv i Cruise, i specializuar në automjetet autonome, është emëruar në krye të divizionit të robotikës, ndërsa John Coryll është emëruar nënkryetar i shitjes me pakicë.

Detyra e tij do të jetë të forcojë shitjet e Meta-s të produkteve të konsumit, duke përfshirë pajisjet Quest dhe syzet inteligjente Ray-Ban Meta, të zhvilluara në bashkëpunim me EssilorLuxottica.

Ky drejtim zhvillimi vjen në një kohë kur kompanitë e mëdha teknologjike dhe startup-et po investojnë miliarda në zhvillimin e robotëve të mundësuar nga inteligjenca artificiale për industrinë, logjistikën dhe detyrat shtëpiake.

Progresi në këtë fushë është më i ngadalshëm se zhvillimi i modeleve gjuhësore, sepse sistemet e AI kanë ende një kuptim të kufizuar të botës fizike.

Meta ka investuar në të ashtuquajturat “inteligjencë artificiale humanoide”, me synimin për të krijuar asistentë inteligjentë që mund të perceptojnë, dëgjojnë dhe lëvizin në hapësirën tredimensionale.

Kompania ka filluar tashmë bisedimet me firma të tilla si Unitree Robotics dhe Figure AI rreth bashkëpunimit të mundshëm në zhvillimin e pajisjeve robotike, por aktualisht nuk ka plane të lansojë robotin e saj të markës Meta.

Edhe pse Reality Labs, divizioni përgjegjës për projektet e inteligjencës artificiale dhe realitetit virtual të Meta-s, shënoi një humbje prej 5 miliardë dollarësh në tremujorin e fundit, kompania beson se investimi në robotë humanoidë përfundimisht do të sjellë rritje për kompaninë.

Së bashku me Metën, në sferën e robotikës humanoide po hyjnë edhe kompani të tjera teknologjike si Apple dhe Google, ndaj presin që këto investime të shpërblehen në planin afatgjatë. /Telegrafi/