Shfaqja e ekzemës në trupin tuaj mund të jetë shumë e dhimbshme dhe më së shpeshti shfaqet te fëmijët dhe të rinjtë. Edhe pse ushqimi nuk shkakton ekzemë, disa ushqime mund t’i përkeqësojnë simptomat e kësaj gjendjeje të pakëndshme të lëkurës.
Sipas Akademisë Amerikane të Alergjisë, Astmës dhe Imunologjisë, ekzema është një gjendje inflamatore e lëkurës që shkaktohet nga faktorë mjedisorë dhe gjithashtu mund të trashëgohet ose jo – shkruan LiveStrong.
Dermatologia Robin Evans thekson se është e rëndësishme të vëzhgohet lidhja midis dietës dhe ekzemës, sepse i njëjti ushqim mund të mos ketë të njëjtin efekt në ekzemën te njerëz të ndryshëm.
Kjo është arsyeja pse duhet të hani ushqim që është i mirë për shëndetin e lëkurës dhe që siguron lëndë ushqyese dhe hidratim. Ushqimet që rekomandohet t’i hani nëse keni ekzemë janë padyshim vaji i ullirit, peshku, perimet me gjethe dhe frutat.
Edhe pse disa mjekë rekomandojnë domatet dhe frutat arrore, duhet të keni kujdes sepse mund të jenë alergjenë të mundshëm. Prandaj, nëse keni ekzemë, do të ishte e këshillueshme që të bëni një test alergjie.
Dr. Evans rekomandon gjithashtu ushqime si salmoni, skumbri dhe farat e lirit për të marrë acide omega-3 yndyrore gjatë gjithë javës. Burime të tjera të acideve omega-3 yndyrore me bazë bimore, përfshijnë farat chia, arrat dhe edamame.
Këshillohet që ta reduktoni konsumin e produkteve të qumështit, pasi qumështi dhe djathi mund ta rritin inflamacionin në trup. Megjithatë, shumë ekspertë theksojnë se në dietën tuaj duhet ta përfshini kosin.
Meqenëse ekzema është një gjendje inflamatore, do të ishte më mirë t’i shkurtoni ushqimet që mund të shkaktojnë inflamacion, si mishi i kuq dhe i përpunuar, ëmbëlsirat, pijet e ëmbla, ushqimet e fërguara, ëmbëlsirat e përpunuara dhe brumërat.
Është e rëndësishme të theksohet se duhet ta shtoni marrjen e ujit, sepse njerëzit me ekzemë kanë lëkurë të thatë, kështu që kjo mund t’i ndihmojë ata me hidratim të mirë. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë