Muajin e kaluar janë bërë dy vjet prej se Njësia e Inteligjencës Financiare është pa drejtor.
Kjo njësi në kuadër të Ministrisë së Financave, merret me parandalimin dhe luftimin e pastrimit të parave dhe financimin e terrorizmit.
Ky institucion tash e disa ditë nuk është përgjigjur në pyetjet e televizionit se për cilat arsye ende kjo pozitë është me ushtrues detyre dhe se kur do të zgjidhet drejtori i ri.
Anëtarë të shoqërisë civile thonë se institucionet duhet të ndryshojnë praktikën, në mënyrë që pozita të tilla të rëndësishme të mos lihen kaq pa udhëheqës me mandat të plotë.
“Praktika e vendosjes së personave të caktuar si ushtrues detyre të udhëheqësve të institucioneve publike, paraqet një anomali në vete që rrjedh si rezultat i mungesës së dispozitave ligjore, të ligjeve materiale për përcjelljen e udhëheqësve të institucioneve publike, fatkeqësisht kjo mënyre e udhëheqjes së institucioneve publike, tashmë është bërë në mënyre sistematike dhe si duket ka një mungesë të vullnetit politik”, ka deklaruar Albana Hasani, nga Lëvizja FOL.
Ish-kryeinspektori i Agjencisë Kosovare për Inteligjencë, Shkelzen Sopjani thotë se kjo njësi është ndër më të rëndësishmet në Kosovë, dhe si e tillë duhet të trajtohet nga institucionet.
“Është një njësi që e ndjek paranë, që i bie që godet aty ku është pjesa më e rëndësishme e luftimit të këtyre fenomeneve, pra kjo njësi funksionin primar e ka shpërndarjen e inteligjencës dhe informatave tek institucionet e zbatimit të ligjit me theks të veçantë policisë së Kosovës por duke mos përjashtuar edhe prokurorinë”, ka thënë Sopjani.
Sopjani tutje shton se Njësia e Inteligjencës Financiare, ka përgjegjësi edhe jashtë kufijve të Kosovës.
“Përveç që kontributi i saj është përbrenda kjo njësi rëndësi ka edhe për luftimin e krimit të organizuar transnacional apo edhe terrorizimin ndërkombëtar dhe me vetë faktin që ka këtë rëndësi është me rëndësi që kjo njësi të mos ketë shkëputje në vazhdimësi në punën e saj, e me theks të veçantë të mos ketë të meta në procesin e vendimmarrjes”, ka theksuar Sopjani.
Njësia e Inteligjencës Financiare është pa drejtor që nga shkarkimi i Dardan Nuhiut, nga kjo pozitë, pas publikimit të disa incizimeve, në gusht të vitit 2021.
Ky mekanizëm është në mesin e dhjetëra institucioneve që vazhdojnë të funksionimin pa drejtor, por vetëm ushtrues detyre. /Dukagjini/
Promo
Reklamo këtuLufta Prigozhin - Putin
Më shumëKompania kosovare që ofron udhëtime në drejtim të këtyre top destinacioneve!
E len kerrin e vogël, e merr kerrin e madh “00” dhe i’a mësyn rrugëve të gjata - Auto Mita
GiFi hap dyqanin e ri në një lokacion fantastik
Fito udhëtim në çift me IP Petrol!
Bëhu banor i kompleksit luksoz bregdetar “Holiday In 2” - Shëngjin
Alarmon Rafuna, bën thirrje për veprime urgjente të Qeverisë për të mbrojtur ekonominë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend