Nga: Nonda Bulka (dhjetor 1933)
Çdo revistë, çdo gazetë, ka nga një shportë të madhe ose të vogël, ku varrosen pa mëshirë qindra shpresa gënjeshtare të atyre që duan të shkruajnë diçka, por nuk arrijnë dot. Tragjike, po e domosdoshme, kjo shportë është ajo, dhe vetëm ajo, termometri i vërtetë i vleftës së një fletoreje.
Është një shportë e vogël, e bukur, prej kashte, që përgjithësisht ndodhet në këndin e djathtë të redaksisë. Ka ditë që shihet nevoja për një shportë të dytë. Ka raste në të cilat shporta e shpresave s’ka gjë brenda. Përgjithësisht, diçka zbardhon në fundin e saj.
Vizitova një ditë gjithë shportat e kryeqytetit. Janë gjithë-gjithë tri. I mora në dorë shportat tragjike, nxora symbyllur një copë letër të bardhë dhe të zezë dhe lexova një vjershë. Vjershë!? Vjershë i thënçin, se poeti i panjohur s’kishte bërë gjë tjetër, veçse kishte ngjitur fjalë si: “burrë, gurrë, drurë, sëmurë”, dhe kishte pretension të quhej vjershëtar.
Nxora një tjetër: edhe kjo ishte njëfarë novele, me një shqipe të sakatosur. Intriga e novelës ishte interesante: “Një djalë dhe një vajzë që (natyrisht) dashuroheshin, mbasi shkëmbyen nja njëzet ah-e dhe oh-e, pinë helmin ose vranë veten me kobure (s’e sjell dot ndër mend). E tërë novela prej gjashtë faqesh, ja kishte, ja s’kishte gjashtë pika. Që të këndoje një frazë, s’ishte çudi të pëlcisje nga asfiksia.
Dhe pastaj hodha dorën në shportën tragjikomike për të gjetur diçka interesante. Dhe, o çudi! Gjeta diçka timen. E kisha harruar; shporta ma kujtoi.
Pse revistat ose gazetat kanë nga një shportë, nuk është një arsye që të rinjtë të dëshpërohen. Përkundrazi, shporta duhet t’i inkurajojë të përpiqen që të mos hidhen në shportë shpresat e tyre të djalërisë.
Dhe kush nuk e ka shijuar helmin e shportës së shpresave?
Dhe kujt nuk i kanë thënë shokët me ironi:
– Ta hodhën në shportë artikullin? Shporta e shpresave të humbura vlen dhe do të vlejë, gjersa letërsia s’ka marrë një përkufizim të kthjellët, gjersa arti letrar s’ka arritur në kulmin e vërtetë.
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak