Për shkak të evoluimit të futbollit – Ronaldos i thuhet të luajë edhe pas moshës 40 vjeçare

Synimi i Cristiano Ronaldos për të luajtur deri në moshën 40-vjeçare ka të ngjarë të jetë pjesë e një tendence më të zakonshme në futboll, sipas ish-sulmuesit Adebayo Akinfenwa.

Akinfenwa, i cili luajti 800 ndeshje në karrierë, ishte 40 vjeç kur bëri paraqitjen e fundit për Wycombe Wanderers në finalen e play-off-it të League One në vitin 2022.

Sulmuesi ka parë që Ronaldo dhe Zlatan Ibrahimovic mund të shkojnë përtej moshës 40-vjeçare dhe inkurajon edhe lojtarët e tjerë të bëjnë të njëjtën gjë.

Lexo po ashtu Bashkëlojtari i Ronaldos, Luiz Gustavo pranon se prania e superyllit i vështirëson punët për Al-Nassr

Para se të transferohej te klubi aktual Al-Nassr, ish- sulmuesi i Manchester United, Ronaldo – i cili mbushi 38 vjeç fundjavën e kaluar – foli për dëshirën për të vazhduar përtej ditëlindjes së tij të 40-të, që i bije edhe pas vitit 2025.

“Mos e merrni për të keq, atë që po bën Ronaldo dhe atë që po bën (Zlatan) Ibrahimovic, ata po e vazhdojnë atë në nivelin elitar”, ka deklaruar fillimisht Akinfenwa për Mirror Football. “Unë kurrë nuk dua t’i them vetës së jam penduar që u tërhoqa kaq herët, sepse ajo që bëra ishte arritja ime dhe çdo lojë për mua ishte Wembley im, por atë që ata po bëjnë, ju vetëm mund ta përshëndesni”.

“Por, ajo që unë ndjej është, dhe përsëri të mos pendohem atë që kam arritur. Unë mendoj se ju do të shihni lojtarë që luajnë më gjatë në karrierën e tyre. Futbolli ka evoluar, shoqëria ka evoluar, teknologjia në lojë tani ka evoluar, kështu që ka shumë më tepër të dhëna nga të cilat mund të merrni dhe të mësoni”.

Lexo po ashtu McKennie zbulon se si tentoi të tallej me këmbët e Ronaldos, por portugezi kishte përgjigje fantastike

“Në kohën kur fillova, nuk kishte monitorues të rrahjeve të zemrës, stërvitja nuk ishte specifike për lojtarin, ishte një program trajnimi i përgjithshëm. Unë kam qenë gjithmonë i ngarkuar, kështu që nuk mund të vrapoj lart e poshtë sa një lojtar që është stërvitur mirë, por në atë kohë ishte një program për të gjithë, ndërsa tani po filloni të shihni gjëra më specifike”, ka vazhduar ai.

Karriera e Ronaldos në Arabinë Saudite nuk ka filluar në volumin që shumëkush ka pritur, por ai ia doli të shënonte golin e parë zyrtar te Al-Nassr në ndeshjen e tij të tretë./Telegrafi/