Reshjet e shumta të shiut që ranë nga të shtunën në vendin tonë, kanë shkaktuar vërshime në komunën e Rahovecit. Shumë rrugë e shtëpi në disa fshatra të kësaj komune u përmbytën nga rrjedha e madhe e ujit.
Kryetari i kësaj komune, Smajl Latifi në një prononcim për Telegrafin ka thënë se ende nuk dihet saktë vlera e dëmeve të shkaktuara nga vërshimet.
Ai ka bërë të ditur se së bashku me ekipin e FSK-së janë duke vlerësuar situatën për të hyrë në disa zona për të larguar pengesat që kanë shkaktuar bllokim të rrugëve.
“Ne kemi një ekip të FSK-së dhe po e vlerësojmë situatën për të ndërhyrë për tejkalimin e disa pengesave që kanë shkaktuar bllokim të rrugëve. Do të ndërhyjmë me makineri të rëndë re Ura Belaja afër Krushës së Madhe dhe në Babovc aty ku potenciali i prurjeve nga reshjet e shiut ka qenë i madh”, tha Latifi.
Ai shtoi se në komunën e tij nuk ka familje që janë evakuuar si pasojë e vërshimeve, por shtoi se ka shumë familje që janë dëmtuar.
“Nuk kemi familje të evakuuar por kemi familje që janë dëmtuar nga vërshimet. Vlerën e dëmeve nuk e dimë ende saktë. Nesër Komisioni për vlerësimin e dëmeve do të dal në teren dhe do të bëjë vlerësimin e tyre” shtoi Latifi.
I pari i Rahovecit tha se do të formohen katër komisione për secilën fushë të cilat do të regjistrojnë dëmet e mëdha si në: amvisëri, ekonomi të shumta familjare e biznese, bujqësi dhe infrastrukturë publike, në mënyrë që raporti i vlerësimeve të jetë sa më i shpejtë dhe pastaj të kërkojnë nga Qeveria mbështetje.
Ndryshe Qeveria e Republikës së Kosovës ka dje lidhur me situatën pas reshjeve të shumta të shiut, duke thënë se kanë ngritur nivelin e gatishmërisë së kapacitetit koordinues dhe reagues.
Në komunikatën për media thuhej se ministri i Punëve të Brendshme, Xhelal Sveçla, ministri i Administrimit të Pushtetit Lokal, Elbert Krasniqi, dhe zëvendësministri i Bujqësisë, Pylltarisë dhe Zhvillimit Rural, Imri Demelezi, bashkë me kryetarët e komunave dhe zyrtarë të institucioneve përgjegjëse po vizitojnë komunat e prekura, për të parë gjendjen dhe për të koordinuar veprimet për ofrimin e mbështetjes së nevojshme.
Në njoftim më tej thuhet se niveli qendror është në gjendje gatishmërie që t’u përgjigjet kërkesave të qytetarëve.
“Agjencia për Menaxhimin e Emergjencave (AME) ka njoftuar të gjithë akterët dhe ka përcjellë Ministrisë e njoftimin për ngritje të nivelit të gatishmërisë dhe bashkë po e monitorojnë gjendjen. AME është duke e përcjellë gjendjen në vazhdimësi dhe është e gatshme për reagim me Njësitë Profesionale të Zjarrfikësve dhe Shpëtimit në Komuna”, kishte njoftuar Qeveria.
Përveq Rahovecit, nga vërshimet janë prekur edhe disa fshatra e lagje në qytetin e Gjakovës. Më e rënduar ka qenë gjendja në lagjet “Shote Galica”, “ Yllka Domi”, “Dergut Vokshi”, “Permet Vula” dhe disa lagje tjera në qytetin e Gjakovës. /Telegrafi/
Lufta Prigozhin - Putin
Më shumëNga Rubrika
Osmani: Po ofendohet vullneti i shqiptarëve prej nacionalizmit të tërbuar
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Protesta e opozitës, molotovë në drejtim të Bashkisë së Tiranës
Kadri Veseli e padit për shpifje deputetin e LVV-së
Stano për strukturat paralele: BE në Kosovë mbështet një strukturë të vetme institucionale sipas kornizës së saj ligjore
Arrestohet i riu nga Klina, dyshohet se abuzoi seksualisht me një fëmijë - videon e publikoi në "TikTok"
Prokuroria Speciale e fton në intervistë zëvendësministrin e Mjedisit, Hysen Durmishin
Flet e dhunuara gjatë lųftës në Kosovë: Nuk kam familje dhe askush nga të afërmit nuk di për rastin tim
Haradinaj-Stublla: As NATO e BE nuk do të ishin fitore për Kosovën, nëse çmimi është defunksionalizimi i saj i brendshëm përmes Asociacionit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri