Gjashtë transferime të mahnitshme që nuk ndodhën kurrë për shkak të grave të futbollistëve

Futbollistët janë vazhdimisht në lëvizje, duke shqetësuar familjet e tyre se duhet ndërruar ambient.

Disa madje do të shkojnë jashtë vendit dhe do të duhet të vendosen në vende të huaja të panjohura për ta.

Vitin e kaluar, Jack Rodwell nënshkroi për Western Sydney Wanderers, një lëvizje që ai pranon se ishte frymëzuar nga gruaja e tij australiane.

Ish-trajneri i Man Utd, Louis Van Gaal zbuloi se si Lisa gruaja e Thomas Mullerit e pengoi një lëvizje të propozuar prej 90 milionë euro në Old Trafford në vitin 2015.

“Në vitin 2015 do të kishte qenë e mundur nëse gruaja e tij do të kishte qenë pak më e hapur për një transferim jashtë vendit”, tha Van Gaal.

Por, çfarë ndodh me bashkëshortet që kanë prishur transferimet e partnerëve të tyre?

Këtu janë gjashtë raste, të cilëve u është thënë që të qëndrojnë larg atyre klubeve që ata pothuajse kishin arritur marrëveshje.

MAURO ICARDI TE NEWCASTLE

Në familjen e “Icardi” ju ndjeni se është gruaja e tij Wanda ajo që bën gjithçka, përveç rasteve kur ajo shpërndan përmbajtje të egra në Instagram.

E famshme, kushdo që dëshiron të merret me sulmuesin e PSG-së duhet të kalojë përmes bukuroshes argjentinase, e cila është agjentja e tij.

Lexo po ashtu Mësohet arsyeja se përse Icardi po dështon në karrierë: Argjentinasi bën seks 12 herë në ditë me Wanda Naran

Newcastle i sapoblerë nga sheikët e Arabisë Saudite mendoi se do t’i jepej mundësi të nënshkruante me Icardini, por ashtu nuk doli të ishte.

“Largimi nga Parisi nuk është në planet e Mauro dhe Wanda, është gjëja e fundit që ata duan”, tha një burim për Gazzetta dello Sport.

“Nuk e shoh që Mauro t’i bashkohet një klubi tjetër së shpejti”. Sigurisht jo për Tyneside, gjithsesi.

OLIVIER GIROUD TE EVERTON

Vera e vitit 2017 i dha Olivier Giroud dhe gruas së tij Jennifer diçka për të menduar.

Me një ofertë në tavolinë nga Everton, ku ai do të merrte më shumë kohë për lojë pasi humbi vendin e tij të parë në ekipin e Arsenalit, e ardhmja e tij ishte në ekuilibër.

Lexo po ashtu Nga kamerat trupore, goli i Olivier Giroud ndaj Kolnit duket edhe më i bukur - a është kjo e ardhmja e futbollit?

Por, trajneri i atëhershëm, Sam Allardyce, zbuloi se gruaja e sulmuesit nuk ishte e interesuar të transferonte gjësendet e saj në Liverpool.

“Ai (Giroud) nuk dëshiron të lëvizë në veri të Londrës, nuk mendoj. Ose gruaja e tij. Është shumë e rëndësishme për gratë që të kenë rolin e tyre”, kisht deklaruar Allardyce.

“Normalisht ato janë shefet, këtë e them me përvojë”.

LEWANDOWSKI TE PSG

Përpara se klubi francez të transferonte Neymarin dhe Kylian Mbappen në skuadrën e tyre, ishte Robert Lewandowski që thuhet se ishte objektivi kryesor në vitin 2017 për të udhëhequr linjën e tyre të sulmit.

Por, u shfaqën spekulime se dietologia mahnitëse Anna nuk donte të shkonte në Paris dhe ai qëndroi me Bayern Munichun.

Lexo po ashtu Paga e Robert Lewandowskit te Barcelona: Sa do të fitojë polaku në orë, ditë, javë, muaj dhe vit

Sulmuesi polak i hodhi poshtë thashethemet, por pranoi kontaktin me një ekip të Ligue 1.

“Po, unë kam pasur tashmë mundësinë të nënshkruaj me klube në Francë në të kaluarën”, kishte potencuar polaku për Telefoot.

“Gruaja ime nuk dëshiron të shkojë në Paris? Jo, nuk kam dëgjuar kurrë diçka kaq idioteske. Kjo nuk ka të bëjë fare me këtë, ndonjëherë ka shumë parametra”.

Megjithatë, ajo ishte e lumtur që miratoi lëvizjen e tij në Barcelonë – duke dhënë një mesazh të fshehtë për të ardhmen e tij kur ai ishte në diskutime për një marrëveshje në “Camp Nou”.

SERGIO RAMOS TE MAN UTD

Veterani spanjoll u shfaq i destinuar për “Teatrin e Ëndrrave”, përpara se të vendosej përfundimisht për PSG-në vitin e kaluar.

Një mega pagë prej rreth 18 milionë euro në vit për dy vjet ishte, ndoshta, një katalizator më i madh.

Lexo po ashtu Të gjitha lajmet nga Sergio Ramos

Megjithatë, u duk gjithashtu se Mançesteri nuk i pëlqente prezantueses së mrekullueshme televizive Pilar Rubio.

Në vend të kësaj, kryeqyteti francez i ofroi asaj dhe katër djemve të tyre një jetë më të mirë.

ZIDANE TE MAN UNITED

Edhe trajnerët duhet të dëgjojnë gratë e tyre.

Zinedine Zidane ishte i lidhur me një lëvizje te Manchester United për të zëvendësuar Ole Gunnar Solskjaer në karrigen e nxehtë të “Old Trafford” sezonin e kaluar, përpara se Ralf Rangnick të merrte detyrën në përkohësi dhe Erik ten Hag më pas të bëhej pasuesi i tij.

Edhe pse, kjo nuk i pëlqente zonjushës së tij Veronique, e cila thuhet se qëndroi në rrugën e një lëvizjeje.

Lexo po ashtu Djali i Zidanes i bashkohet klubit të shtatë në pesë vjet pasi u largua nga Real Madridi

Daily Record tha në atë kohë, Zizou ishte i interesuar për këtë punë. Por, ka një pengesë në rrugë.

Raporti këmbënguli që Veronique nuk ishte e prirur të jetonte në Mançester dhe do të preferonte që burri i saj të bënte një pushim më të gjatë. /Telegrafi/