Fenerbahce ka pyetur fansat për t’i ndihmuar me fonde në transferimin e Ozilit

Fenerbahce tashmë e ka mbyllur transferimin e Mezut Ozilit nga Arsenali, mirëpo kishte një kërkesë për tifozët e tyre.

Skuadra turke e prezantoi mesfushorin turko-gjerman si lojtar të tyre, mirëpo fillimisht ata kishin kërkuar ndihmë nga përkrahësit e tyre.

Kryesia e klubit u ka kërkuar tifozëve që të dhurojnë aq sa kanë mundësi për të paguar pagën e Ozilit për aq vite sa do të qëndrojë ai atje.

Rüya gerçek oldu: Mesut Özil Fenerbahçemizde! 🔥#FenerSignMesut https://t.co/ZY00yCmVhC pic.twitter.com/oXJPfmfTJZ

— Fenerbahçe SK (@Fenerbahce) January 24, 2021

Mesfushori do të fitojë 15 milionë euro gjatë qëndrimit të tij te Fenerbahce, e që tifozët thuhet se kanë filluar të mbledhin shumën.

“Kemi një kërkesë për tifozët tanë”, ka thënë presidenti i klubit Ali Koc. “Ju lutemi të vazhdoni të na përkrahni, ne po ashtu kërkojmë mbështetje financiare”.

🔴 254 appearances
⚽️ 44 goals
🅰️ 71 assists

Wishing you all the best at @Fenerbahce, Mesut 👊 pic.twitter.com/kq9XdojdXl

— Arsenal (@Arsenal) January 24, 2021

“Në ditën e transferimit (të Ozilit), ne do ju kërkojmë që të thyeni rekordin. Do fillojmë një kampanjë përmes mesazhave”.

“Ndoshta 300,000 mijë, 500,000, ose miliona mesazhe që do të na bëjnë bashkë. Kjo mbështetje do na mbështetë shumë”, ka shtuar më tej ai.

Çdo sms do të kushtojë rreth dy euro dhe ai duhet të dërgohet në numrin 1907, viti kur është themeluar Fenerbahce. /Telegrafi/