Studimi i ri i kundërvihet gjithë asaj që dimë për produktet e qumështit
Studimi i ri i Universitetit të Texasit nga Houstoni thekson që yndyrat e ngopura në jogurt, djathë, gjalpë dhe qumësht nuk shtojnë rrezikun nga sëmundjet e zemrës.
Thartirat yndyrore, të cilat ndodhen në produktet e qumështit, madje zvogëlojnë rrezikun nga sulmi në tru për 42 për qind, transmeton Telegrafi.
Qumështi, jogurti dhe djathi përmbajnë kalcium, i cili ul shtypjen e gjakut dhe thartirat yndyrore të cilat veprojnë kundër inflamacionit.
Hulumtuesit kanë vlerësuar gjendjen shëndetësore të 3.000 personave të rritur, të moshës mbi 65 vjeç. Atyre nivelet e tri thartirave të ndryshme yndyrore për herë të parë u janë matur në vitin 1992, pastaj në gjashtë, dhe më vonë në 13 vjet.
Ekipi i ekspertëve, i cili ka analizuar rezultatet e matjes, ka konstatuar që asnjë nga thartirat yndyrore të matura nuk ka pasur lidhje me rrezikun e shtuar të vdekjes nga sëmundjet kardiovaskulare.
Veç kësaj, njerëzit me nivelet më të larta të thartirave yndyrore, gjë që sipas shkencëtarëve ka lidhje me ushqimin me produkte të qumështit, kanë pasur 42 për qind më pak rrezik i vdekjes nga sulmi në tru.
Autorja e cila ka udhëhequr studimin, dr. Marcia Otto, konsideron që, për këtë shkak, do të duhej të hulumtoheshin rekomandimet lidhur me produktet e qumështit me shumë yndyrë, të cilat kanë burim të pasur të kalciumit dhe kaliumit.
Këto janë të rëndësishme jo vetëm në fëmijëri, por edhe në moshën e mëvonshme, kur ushqimi i keq mund të shkaktojë osteoporozën.
“Njerëzit u janë të ekspozuar një sërë informatash të ndryshme dhe kontradiktore lidhur me ushqimin, aq më parë në raport me yndyrat. Për këtë shkak është me rëndësi që të kemi studime relevante, në mënyrë që njerëzit vetë të mundë të zgjedhin në bazë të fakteve shkencore, jo vetëm në bazë të thashethemeve”, thotë dr. Otto.
Studimi, të cilin e ka financuar Instituti Kombëtar Shëndetësor amerikan, është publikuar në revistën American Journal of Clinical Nutrition. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Nuk urinoni pas marrëdhënies intime? Simptomat zbulojnë infeksione
Embolia pulmonare është një pasojë më e madhe e vdekjes sesa ataku në zemër: Simptomat kryesore shihen në këmbë
Cilat ushqime kanë më shumë vitaminë C? Është e rëndësishme të mos e teproni, kjo është doza e lejuar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak