Presidenti i FFF-së, Graet: Zidane mund ta drejtojë Juventusin, por jo kombëtaren franceze

Presidenti i Federatës së Futbollit të Francës (FFF), Noel Le Graet ka folur rreth thashethemeve të fundit për mundësinë e angazhimit të Zinedine Zidane në krye të përfaqësueses franceze.

Ai ka këmbëngulur se trajneri aktual, Didier Deschamps do të vazhdojë të mbetet në krye të kombëtares të paktën deri në vitin 2020.

Zidane çuditërisht dha dorëheqje vetëm disa ditë pasi udhëhoqi gjigantët spanjoll drejt titullit të tretë të Ligës së Kampionëve pas triumfit 3-1 ndaj Liverpoolit.

Megjithatë, Le Graet tha se fituesi i Kupës së Botës 1998 Zidane nuk do të trajtojë Francën përpara vitit 2020.

“Zidane mund të nënshkruajë nesër me Juventusin, nuk di asgjë”, tha Le Graet për RMC duke shtuar “Mos krijoni një debat” Didier-Zizou “, nuk është serioze”.

“Ne e fillojmë Kupën e Botës me Didierin, ai kontratë të paktën deri në vitin 2020. Nuk do të ketë bisedime me Zidanen vitin e ardhshëm. Nëse unë e shoh atë, ne mund të flasim, por Deschamps është këtu deri në vitin 2020 ose edhe më tej”, tha Graet.

Lexo po ashtu Zbulohet krisja e Zidanes me Perezin - Ishte afati kalimtar i verës, blerja e De Geas dhe Hazardit

Franca, e cila e mposhti Italinë 3-1 në një miqësore ndërkombëtare të premten, do të përballet me Australinë (16 qershor), Peru (21 qershor) dhe Danimarkë (26 qershor) në Grupin C të Kupës së Botës. /Telegrafi/