Pajaziti: Vrasjet e fundit në Saraj janë lëshim i institucioneve

Me një armë në dorë edhe frikacaku bëhet trim, kështu i quan sociologu Ali Pajaziti ngjarjet e fundit që ndodhën në Komunën e Sarajit. Kurse për qasjen e të rinjve tek armët, sociologu theksoi se është lëshim i institucioneve dhe se duhet të merren masa dhe të ndalohet rreptësishtë shitja e këtillë armëve në rrjetet sociale si dhe pazare.

“Unë mendoj e çështja dhe tregtimin të armëve, duhet të jetë rreptësishtë e ndaluar, sepse kjo rrit ndjenjat militantizmit dhe ndjenjën e trimërisë tek njerëzit më frikacaku. Kjo i bënë që ata të jenë distruktiv, pra të fryhen dhe pa arsye ti shfrytëzojnë ato armë”, tha për TV21 Ali Pajaziti.

Për dy javë dy përleshje nga grupe të rinjësh kanë ndodhur në komunën e Sarajit. Para dy javëve një zënkë filloi në një klub lojërash ku dy grupe u përleshën me armë zjarri. Përleshja e fundit nga disa grupe tjera ishte ditën e djeshme ku i vdekur ka mbetur një 17 vjeçar si pasoj e goditjes së marrë me thikë në pjesën e gjoksit. Në përleshjen e djeshme ka mbetur i plagosur edhe vëllai i të vrarit theksojnë nga Ministria e Punëve të Brendshme./Telegrafi/

Lexo po ashtu Përleshje në Matkë të Sarajit, theret për vdekje një djalosh i ri (Video)