ASH e Selës: VLEN gënjeu shqiptarët, po realizohet plani i Mickoskit dhe Dimitrievskit për deshqiptarizim

Nga Aleanca për Shqiptarët e Ziadin Selës reaguan ndaj deklaratave të deputetit Rijad Shaqiri nga VLEN i cili tha se është vonuar ligji për punësim adekuat dhe të drejtë.

Nga ASH e Selës thonë se VLEN-i po gënjen shqiptarët dhe se me këto veprime po realizohet plani i Mickoskit dhe Dimitrievskit për deshqiptarizim.

Reagimi i plotë:

“Prolongimi i ligjit për përfaqësim të drejtë dhe adekuat në një kohë kur Gjykata Kushtetuese tanimë ka shfuqizuar edhe përkatësinë etnike dhe Balancuesin, është kulmi i realizimit të planit të Mickoskit dhe Dimitrievskit për deshqiptarizimin e institucioneve shtetërore. Vleni pasi gënjeu shqiptarët sa për të mbuluar shfuqizimin e përkatësisë etnike, tani u dorëzua edhe nga kjo gënjeshtër dhe pranoi se nuk do të sillet Ligji për përfaqësim të drejtë dhe adekuat. Kjo nënkupton se gjatë konkurseve të reja për punësime në institucionet shtetërore dhe publike nuk do të ketë asnjë mekanizëm për punësimin e shqiptarëve dhe bashkësive të tjera joshumicë. Duke patur parasyshë deklaratat e deritanishme të drejtuesve të Qeverisë, fatkeqësisht që tani dihet epilogu i konkurseve, deshqiptarizimi i shtetit dhe stërmbushja e administratës vetëm me anëtarë të OBRM-PDUKM-së, ZNAM-it dhe partive të tjera maqedonase”, thonë nga ASH-Sela.