Hoxha: Ka shumë pak konflikt mes Kurtit dhe Osmanit, sa do të duhej të kishte

Analisti Ylli Hoxha ka thënë se ka shumë pak konflikte mes krerëve të institucioneve në krahasim me atë se sipas tij do të duhej të kishte.

Hoxha në RTV Dukagjini ka thënë se Kushtetuta e Kosovës është e ndërtuar në atë mënyrë që i vë në koflikt krerët e institucioneve.

“Në fakt ka shumë pak konflikt mes autoriteteve institucionale sepse Kushtetuta është ndërtuar në atë formë që e parashoh konfliktin mes institucioneve. Atë që e ka përgjegjësi Presidenca, Kryeministria a po Avokati i Popullit, domosdoshmërisht se do të duhej të prodhojnë konflikte qofte edhe drejtuesit e këtyre institucioneve janë pjesë e një familjeje politike”.

Ai thotë se është shumë me rëndësi që duhet të ketë konflikte mes Presidentes dhe Kryeministrit për çështje të caktuara.

Lexo po ashtu “Tensione” gjatë diskutimit mes Kurtit e Osmanit, zëdhënësi i Qeverisë tregon se për çfarë bëhej fjalë

“Duhet të ketë një konflikt mes Presidentes dhe Kryeministrit, pasi për çështje caktuara kjo duhet ta mbikëqyr kryeministrit, derisa ky i fundit duhet të shtyjë interesa tjera”.

Analisti thotë se edhe nëse drejtuesit e institucioneve kanë konflikte ata përsëri mund të garojnë bashkë në zgjedhje.

“Shembull Glauk Konjufca është shumë më rigoroz me ministrat se me deputetët e opozitës. Kjo më pëlqen. Kjo është në të mirë të vendit”, deklaroi tutje Hoxha./Telegrafi/