Tek kur pothuajse është shtjerrë debati për draft-statutin e Asociacionit, Presidentja Vjosa Osmani ka vendosur t’i takojë partitë opozitare.
Shqetësimet që udhëheqësja e shtetit i ka për këtë dokument të ndjeshëm, nuk dihet saktë se kur do t’i diskutojë me opozitarët.
“Për datën e takimeve të Presidentes Osmani me opozitën, ju njoftojmë së shpejti”, ka thënë Bekim Kupina, këshilltar për media i Presidentes.
Mirëpo, Dukagjini ka mësuar se takimet synohet të mbahen në fund të javës e ardhshme, pasi Osmani të kthehet në Kosovë nga një udhëtim jashtë vendit.
Ftesat zyrtare akoma nuk kanë shkuar në adresë të partive, derisa PDK-ja si partia më e madhe opozitare nuk i ka treguar televizionit të enjten nëse do të shkojë në takim.
Një vendim të tillë pritet ta marrë ditëve në vazhdim LDK-ja, e cila e vlerëson të vonuar iniciativën e presidentes.
“Do të diskutohet në Lidhjen Demokratike të Kosovës në kohën kur kemi ftesë zyrtare. Për mendimin tim është ftesë shumë e vonshme. Po ashtu pse nuk e fton edhe Lëvizjen Vetëvendosje Presidentja për t’ia marrë qëndrimin. LDK nuk mund ta kryejë punën e Qeverisë, e as të Presidentes që e kemi votuar edhe ne”, ka deklaruar Lutfi Haziri, nënkryetar i LDK-së.
E, pikërisht këtë çështje, AAK-ja e ka diskutuar brenda kryesisë së partisë të enjten, mbledhje pas të cilës do të marrë një vendim.
Aktivizimin e presidentes e vlerëson të vonuar edhe njohësi i zhvillimeve politike, Artan Muhaxhiri.
“Parimisht kjo ftesë është dashur të bëhet shumë më herët në momentet kur ka pasur mundësi që të reagohet për ndryshime pozitive dhe për krijim të një platforme shumë më të gjerë për të krijuar një besueshmëri edhe profesionale edhe politike. Por prapë se prapë është mirë që është bërë edhe pse më shumë duket si formale”, ka deklaruar ai.
Tani, pas pranimit zyrtar të draftit nga ana e BE-së dhe ftesës së presidentes, Muhaxhiri thotë se opozita nuk ka më hapësirë që të rrijë duarkryq dhe të mos përfshihet maksimalisht në këtë proces, sado hapësirë që ka mbetur.
Presidentja Osmani i ka ngritur si shqetësim 2-3 çështje brenda draftit, të cilat sipas saj, kanë dy kuptime të ndryshme. Po aq e shqetësuar është shprehur edhe opozita.
Herën e fundit, Osmani i takoi liderët opozitarë më 27 shtator, tri ditë pas sulmit terrorist serb në Banjskë.
Promo
Reklamo këtuLufta Prigozhin - Putin
Më shumëNga Rubrika
Analistët: Pahor e njeh rajonin, por si emisar i BE-së s’mund ta “transformojë” dialogun
Ish-ambasadori i Shqipërisë në Kosovë: Asociacioni, kusht që nuk lidhet me Këshillin e Evropës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Momenti kur Edi Rama i përkulet shqiptarëve në Greqi
Nesër takohen Kurti e Krasniqi, në tavolinë dy tema
“Mysafiri i paftuar në Galatsi”: Mes kritikash dhe akuzash, si u pasqyrua vizita e Ramës në Athinë nga mediat greke
Turistja norvegjeze humb jetën në Durrës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron