Qendra Klinike në Shkup po bëhet problem për ndërtim

Firma e cila po udhëheq me ndërtimet në Qendrën Klinike në Shkup, është zgjedhur në kundërshtim me kushtet për tenderë. TV24 publikoi disa dokumente sipas së cilave oferta e firmave Granit, Beton dhe Inso është vlerësuar si më e mira. Nga Ministria e Shëndetësisë, u përgjigjën shkurt duke thënë se Komisioni i Tenderëve do të dorëzojë raportin tek banka kreditore, përcjell Telegrafi Maqedoni.

Tani hapen pyetjet se në bazë të cilëve kritere dhe përse Komisioni për vlerësim ka zgjedhur ofertën e firmave me fitim negativ, ku në dokumentet e tenderëve qëndron se firma duhet të tregojë gjendje pozitive financiare.

Me kushtet e dokumenteve për tender, pajtohet LSDM-ja të cilët kërkojnë që tenderi të ndalohet dhe paralajmëruan për revizion.

Ndërsa nga OBRM-PDUKM-ja gjithashtu dolën me reagim duke theksuar se çfarë është punuar gjatë viteve të fundit.

Ndërtimi i Klinikës së re projekt që kushton 80 milionë euro, është vlerësuar si kontraverz që nga përzgjedhje e lokacionit, deri tek shumat e larta të dhuruara nga ajo që është planifikuar. Ndërsa sipas anti-korrupsionistëve është dilemë se pse projekti relizohet nga ana e qeverisë teknike dhe gjatë kohës kur pritet të formohet qeveria e re./Telegrafi/