Si ndodhi që fansat e Taylor Swift e ndihmuan Bellinghamin të kalojë Balden dhe të dal i pari në garën për çmimin Golden Boy

Ylli amerikan i popit, Taylor Swift, mund të ndihmojë Jude Bellinghamin e Real Madridit të fitojë çmimin “Golden Boy 2023”, pas një fushate që filloi në rrjetet sociale.

Bellingham aktualisht është duke konkurruar me Alejandro Balden e Barcelonës për çmimin e lakmuar dhe ishte prapa në numërimin e votave deri të martën, kur fansat e Taylor Swift nisën një fushatë në rrjetet sociale ‘kundër’ Baldes.

Një postim i vjetër që citonte yllin e Barcelonës u bë viral nga fansat e Taylor Swift që njohur si ‘Swifties’, në të cilin ai thoshte: “A të pëlqen Taylor Swift? Jo, nuk më pëlqen muzika e saj”.

Hey Swifties! 🫵👋 we can’t let this Balde guy win the golden boy award 😡💅 Vote for Jude Bellingham here 🫠👇

#TaylorSwift #1989TaylorsVersion https://t.co/705IUsahAk pic.twitter.com/8Y6m2uRmFF

— Not Python 🐍 (@notpythonn) September 5, 2023

‘Swifties’ ishin të pakënaqur me deklaratën e Baldes dhe vendosën të votojnë në favor të Bellingham për “Golden Boy 2023”.

Në mesnatën e së mërkurës, numërimi i votave të mesfushorit anglez thuhet se u rrit nga 30 për qind në 89 për qind, shkruan Tribuna.

Këtë çmim në të kaluarën e kanë fituar emra si Rafael va nder Vaart, Wayne Rooney, Lionel Messi, Cesc Fabregas, Sergio Agero, Paul Pogba, Kylian Mbappe, Matthijs de Ligt, Joao Felix, Erling Haaland, Pedri dhe së fundmi Gavi.

Bellingham ka një fillim ëndrrash te Real Madridi, pasi ka shënuar tashmë pesë gola në katër paraqitje në La Liga.

Mbrojtësi i majtë i Barcelonës, Balde, nga ana tjetër, është paraqitur në tre ndeshje të ligës, por ende nuk ka shënuar një gol apo asistim për skuadrën e Xavi. /Telegrafi/