Mykhaylo Mudryk është shpresa e madhe e futbollit ukrainas.

Sulmuesi i talentuar ukrainas po shkëlqen me Shakhtar Donetsk dhe ka zgjuar interesimin e skuadrave të mëdha evropiane.

Gjatë afatit kalimtar veror, në drejtim të Shakhtar Donetsk shkuan disa oferta kryesisht nga skuadrat angleze.

Arsenal, Newcastle United, Everton dhe West Ham United e kërkuan anësorin ukrainas, derisa Roma dhe Lazio u interesuan nga Serie A.

Por duke parë shkëlqimin e tij, numri i skuadrave të mëdha që e duan është rritur, pasi tani në garë janë edhe Real Madrid dhe Liverpool.

21-vjeçari ka shënuar dy gola e ka asistuar në dy të tjerë në dy sfidat e para në grupet e Ligës së Kampionëve, duke treguar formë të lartë.

Reklama

Marca ka raportuar se si Los Blancos ashtu edhe The Reds janë duke e përcjellë ecurinë e ukrainasit deri në janar para se të përgatisin ofertë për të.

Reklama

Në garë për anësorin këmbëshpejtë mbetet edhe Arsenal, derisa Shakhtar është gati ta lejoj largimin e lojtarit vetëm nëse vije ndonjë ofertë mbi 40 milionë euro. /Telegrafi/
You sent