Si po ndikon përdorimi i ChatGPT-s në institucionet amerikane të arsimit
Në më pak se një vit, programi i inteligjencës artificiale ChatGPT ka ndryshuar mënyrën se si njerëzit përdorin dhe abuzojnë me këtë teknologji të re. Siç njofton korrespondentja e Zërit të Amerikës Karina Bafradzhian, ndërsa disa punonjës të arsimit janë kundër përdorimit të Inteligjencës Artificiale në klasat e mësimit, të tjerët e kanë mirëpritur atë.
Pasi kompania OpenAI bëri publik programin e inteligjencës artificiale ChatGPT në nëntor të vitit 2022, disa shkolla dhe universitete amerikane e bllokuan aplikacionin në pajisjet elektronike në pronësi të shkollave për të shmangur plagjiaturën. Disa shkolla të tjera, si ato në Distriktin e Pavarur Shkollor të Dallasit, po e përdorin këtë teknologji të re.
Disa profesorë gjithashtu thonë se nuk ka logjikë të luftohet përdorimi i kësaj teknologjie të re. Beata Jones, e cila jep mësim në Universitetin Kristian të Teksasit, po i trajnon studentët e saj që ta përdorin programin ChatGPT si një lloj partneri studimi inteligjent, por jo të besueshëm.
“Studentët mund të jenë krijues dhe të zgjidhin probleme më komplekse, sepse ata do të kenë një partner tek inteligjenca artificiale dhe mund të kenë qasje në njohuri të gjera. Sigurisht, ata duhet të kontrollojnë çdo gjë që marrin nga këto programe. Megjithatë, kjo u jep atyre një mundësi për të përdorur mendimin e tyre kritik”, thotë ajo.
Përpjekja për të kuptuar nëse studentët kanë përdorur programin ChatGPT për të bërë detyrat e shtëpisë mbetet një problem. Kompanitë që kanë krijuar programe për të diktuar plagjiaturën përmes inteligjencës artificiale, si Turnitin, thonë se ndërsa ato po bëjnë përparim në zbulimin e plagjiaturës, edhe mashtruesit po përmirësohen.
“Pra, në disa raste pas përdorimit të programit ChatGPT, mashtruesit përdorin një program tjetër para dorëzimit të një eseje tek mësuesi. Ky është një ndryshim tjetër që i behët tekstit për të shmangur zbulimin e plagjiaturës”, thotë Annie Chechitelli nga kompania Turnitin.
Profesorja Jones thotë se universitetet janë gjithashtu të shqetësuar nga vlerësimet e gabuara të programeve të plagjiaturës, duke i akuzuar studentët për përdorim të inteligjencës artificiale, kur në fakt, ata e kanë bërë vetë punën.
“Nuk mund të bëhen vlerësime absolute për plagjiaturën. Programet më të mira të zbulimi të plagjiaturës, të kryer me programe të inteligjencës artificiale pretendojnë se janë 99.6 për qind të saktë dhe të besueshëm. Megjithatë, nuk ka asnjë informacion në lidhje me vlerësimet e pasakta. Dhe kjo mund të njollosë vërtet marrëdhëniet mes studentëve dhe mësuesve. Kjo mund të dëmtojë reputacionin e studentëve të mirë”, thotë ajo.
Është e qartë se përdorimi i inteligjencës artificiale nuk do të ndërpritet dhe shumë institucione arsimore janë duke mbetur prapa.
Sipas një sondazhi të UNESCO-s, në të cilin morën pjesë 450 shkolla dhe universitete, vetëm dhjetë për qind e tyre kishin hartuar politika në lidhje me përdorimin e programeve të inteligjencës artificiale në institucionet e tyre. /VOA/
Promo
Reklamo këtuLufta Prigozhin - Putin
Më shumëMësohet koha kur do të dalë GTA VI
12 milionë të shitura në 12 javë: Kjo videolojë theu rekord
Mbyllja e internetit Starlink në Sudan rrezikon "dënimin" e miliona sudanezëve, paralajmërohet Musk
Imazhet e zbuluara të iPhone 16 Pro Max tregojnë se ekrani i madh mund të mos jetë i vetmi ndryshim shqetësues
Nëse i përdorni këto PIN-a, ndryshojeni menjëherë - hakerat do t'ju grabisin sa qelë e mbyll sytë!
Të është vjedhur telefoni, Google ka një zgjidhje për ju për ta gjetur atë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë