Bologna interesohet për transferimin e Nedim Bajramit

Nedim Bajrami ka shkëlqyer në fitoren e Shqipërisë 2-0 ndaj Moldavisë të shtunën mbrëma në Air Albania.

Mesfushori shqiptar ishte më i miri në fushë, ku realizoi edhe golin e dytë.

Ai iu bashkua Sassuolos në janar nga Empoli, por klubi zigjelbër e ka blerë për gjashtë milionë euro.

Megjithatë Bajrami mund të largohet nga Sassuolo vetëm pas gjashtë muajsh qëndrim në Mappei Stadium.

Lexo po ashtu Bajrami i lumtur me golin dhe fitoren: Me Sylvinhon luaj në pozitën e preferuar

Bologna është duke punuar për të forcuar ekipin për sezonin e ardhshëm dhe sipas raportimeve të medieve italiane, mes emrave që po ndiqen me vëmendje për t’u bashkuar ekipit të trajnerit Thiago Motta është edhe ai i mesfushorit të kombëtares shqiptare, Nedim Bajrami.

“Corriere dello Sport” ka raportuar se drejtori teknik i Bolonjas,Giovanni Sartori ka qenë në “Air Albania” për të ndjekur ndeshjen mes Shqipërisë dhe Moldavisë.

Lexo po ashtu Bajrami flet për formën që po kalon te Sassuolo

Trajneri Tiago Mota kishte kërkuar që të ketë më shumë informacione për Bajramin, i cili në fakt njihet mirë në Itali pasi aktivizohet me Sassuolon.

Shkëlqimi i Bajramit me fanellën kuqezi mund të bëj Bolognën që të intervenojë dhe të synoj afrimin e mesfushorit shqiptar gjatë verës. /Telegrafi/