Blinken thotë se Elon Musk dhe SHBA-të diskutuan mbi Starlink-un në Ukrainë

Sekretari amerikan i Shtetit, Antony Blinken, të shtunën tha se qeveria e SHBA-ve ka mbajtur bisedime me Elon Musk-un në lidhje me përdorimin e internetit satelitor Starlink në Ukrainë.

Gjatë këtij muaji SpaceX deklaroi se ka ndërmarrë hapa në parandalimin e ushtrisë ukrainase nga përdorimi i shërbimit të Starlink për kontrollimin e dronave në rajon gjatë luftës me Rusinë.

I pyetur gjatë një interviste në emisionin “Meet the Press with Chick Todd” në NBC News se nëse Shtetet e Bashkuara i kanë kërkuar Musk-ut, që të mos e kufizojnë përdorimin e kapaciteteve të Starlink nga ushtria ukrainase, Blinken tha: “Nuk mund ta ndajë me juve asnjë pjesa nga bisedimet që i kemi pasur mes nesh pos vetëm të konfirmoj mbajtjen e këtyre bisedimeve”, raporton Reuters, përcjell Telegrafi.

SpaceX në mënyrë private kishte dërguar kamionë të ngarkuar me terminale të Starlink në shtetin ukrainas, duke e lejuar ushtrinë e vendit që të komunikojë mes vete duke i lidhur ato me afro 4 mijë satelitët që SpaceX i ka lansuar në orbitën e ulët të Tokës.

Rusia kishte tentuar që të pengojë sinjalet e Starlink në rajon, edhe pse SpaceX u kundërvë duke e forcuar softuerin e shërbimit, ka deklaruar Elon Musk. /Telegrafi/