Babai i Thuramit zbulon ekipin e ëndrrave të sulmuesit francez

Ish-mbrojtësi i Juventusit dhe Barcelonës, Lilian Thuram pranon se djali i tij Marcus, i cili është lidhur me një kalim te Interi, ‘ëndërron’ t’i bashkohet katalanasve.

Lilian ka folur për RAC1 për të ardhmen e djalit të tij, kontrata e të cilit me Borussia Monchengladbach skadon në qershorin e ardhshëm.

Francezi nuk planifikon të largohet në janar dhe është lidhur me një transferim të lirë te Interi, Chelsea apo Barcelona.

“Unë dua më të mirën për të dhe vëllezërit e tij, do të ishte një ëndërr për Marcus të luante për Barçën”, ka thënë fillimisht Thuram.

Lilian Thuram “sfila” il figlio Marcus all’Inter e lo spinge al Barça: “Sarebbe il massimo” https://t.co/qxFUElTZUm

— La Gazzetta dello Sport (@Gazzetta_it) January 25, 2023

“Nëse ma jepni kontratën, unë mund ta nënshkruaj tashmë”, shtoi ai me shaka.

“Në çdo rast, prioriteti është që të mos ndalet zhvillimi i tij dhe që ai të vazhdojë të përmirësohet si futbollist”.

Thuram Jr. ka shënuar 13 gola në 18 paraqitje në nivel klubi këtë sezon dhe ishte pjesë e skuadrës së Francës që arriti në finalen e Kupës së Botës “Katar 2022”. /Telegrafi/