Si duket lindja e nxitur? Ka katër mënyra për të nxitur mjeku lindjen, qe çfarë mund të prisni

Lindja jo rrallë duhet të jetë e nxitur dhe qe çfarë mund të prisni atëherë dhe çfarë mënyra mund të përdorë mjeku për të nisur kontraktimet dhe beben

Më së miri është kur lindja fillon vetë dhe në termin, por ka situata edhe kur mjekët vendosin që është e nevojshme të nxisin lindjen.

Mjeku do të marrë vendimin a duhet të nxitet apo të filloni kontraktimet e lindjes me ilaçe apo me metoda të tjera nëse shtatzënia ka kaluar terminin, apo shëndeti juaj dhe shëndeti i bebes janë të rrezikuar, transmeton Telegrafi.

Ekzistojnë disa arsye për shkak të të cilave mjeku juaj mund të vendosë që t’ju bëjë induksionin, ato janë:

▪ Ju ka kaluar termini.
▪ Ka komplikime.
▪ Amniosi ka pëlcitur, ndërsa kontraktimet nuk kanë filluar.
▪ Jetoni larg familjes, ndërsa lindjen e parë e keni pasur të shpejtë.

Si do ta nxisë lindjen mjeku?

Nëse përfundimisht do të detyroheni t’ju bëhet induktimi, procesi përfshin disa hapa, ndonëse zakonisht nuk do të kaloni nëpër të gjithë:

Hormonet lokale në qafën e mitrës – Zakonisht qafa e mitrës suaj do të hapet vetvetiu kur të jeni të gatshme për lindje. Mirëpo, nëse qafa e mitrës suaj nuk tregon shenja zgjerimi, mjeku do ta bëjë atë me aplikimin e formës lokale të hormonit prostaglandinë në formën e xhelit apo të supozitorit në qafën e mitrës.

Qafën e mitrës suaj mjekët do ta ekzaminojnë pas disa orëve dhe shpesh kjo kohë do të jetë e mjaftueshme që kontraktimet të fillojnë. Mirëpo, nëse kontraktimet nuk kanë filluar, procesi vazhdohet me hapin tjetër.

Zhveshja e membranës – Nëse qesja juaj amniotike është ende e paprekur, mjeku mund të fillojë lindjen duke kaluar një gisht mbi membranat e imta që lidhin qeskën amniotike ose lëngun. Kjo bën që mitra të lëshojë prostaglandinë, ashtu siç do të ndodhte nëse lindja do të fillonte natyrshëm, e cila nga ana tjetër do të bëjë që qafa e mitrës të zbutet dhe të fillojnë kontraktimet.

Ky proces nuk është gjithmonë pa dhimbje, dhe nëse nuk ka për qëllim të shpërthejë lëngun, ndonjëherë ndodh.

Pëlcitja e membranës – Nëse qafa e mitrës tashmë ka filluar të zgjerohet vetë, por lëngu nuk është thyer ende, mjeku mund të jetë në gjendje të shkaktojë kontraktime duke bërë shpimin.

Me fjalë të tjera, ai do të shpojë manualisht lëngun amniotik që rrethon foshnjën duke përdorur një instrument që duket si një gjilpërë e gjatë me grep me një majë të mprehtë. Mund të jetë e pakëndshme, por nuk duhet të jetë e dhimbshme.

Hormoni Pitocin – Nëse as prostaglandina, as zhveshja dhe as këputja e membranave nuk çojnë në kontraktime të rregullta brenda disa orësh, mjeku juaj do të fillojë t’ju japë Pitocin (një formë sintetike e hormonit natyror oksitocinë) në mënyrë intravenoze për të nxitur dhe intensifikuar kontraktimet.

Kontraksionet zakonisht fillojnë pas 30 minutash dhe zakonisht janë më të forta, më të rregullta dhe më të shpeshta se ato që kanë filluar lindjen në mënyrë natyrale.

Po sikur induksioni të mos funksionojë për mua?

Është e rrallë, por ndodh që induksioni të mos funksionojë. Nëse ky është rasti juaj, mjeku mund të përpiqet të nxisë përsëri lindjen ose mund të vendosë të kryejë një seksion cezarian. /Telegrafi/