Presidenti amerikan, Joe Biden njoftoi vdekjen e liderit të Al-Qaedas, Ayman al-Zawahiri, por të dhënat për armët e përdorura gjatë atij likuidimi nuk dihen plotësisht. Siç doli, bëhet fjalë për një raketë të fuqishme të njohur si “bombë ninja”.
Në fjalimin e shkurtër nga Shtëpia e Bardhë, Biden përmendi se sulmi u krye nga një dron. Një zyrtar amerikan u tha gazetarëve në kushte anonimiteti se droni hodhi dy raketa Hellfire dhe se nuk kishte nevojë për një prani ushtarake amerikane në vend.
Kabuli, nga ana tjetër, fillimisht e mohoi sulmin me dron duke iu referuar një “rakete” që goditi një “shtëpi të zbrazët” përpara se të pranonte të martën në mëngjes se dronët amerikanë kishin kryer sulmin ajror, raportoi LeMonde.
Nuk pati shenja të një shpërthimi apo viktima kolaterale në ndërtesën e synuar, megjithëse familja e liderit të Al-Qaedas ishte e pranishme në shtëpi. Të gjitha këto të dhëna tregojnë për përdorimin e një rakete sekrete, e cila besohet se ka qenë e përfshirë në vrasje të tjera të synuara të liderëve ekstremistë, por që Pentagoni nuk e ka konfirmuar kurrë përdorimin e saj.
Ayman Al-Zawahiri u vra më 31 korrik kur dy raketa goditën një shtëpi në Kabul. Kjo shtëpi trekatëshe ndodhet në Sherpur, një zonë e pasur e kryeqytetit afgan, ku disa vila janë të pushtuara nga zyrtarë dhe komandantë të lartë talebanë, raporton abcnews.
Udhëheqësi i Al-Qaedas u pa “shumë herë dhe gjatë një periudhe të gjatë kohore në ballkon, ku thuhet se u vra në sulm”, shtoi zyrtari amerikan. Në ndërtesë nuk pati shenja shpërthimi dhe askush tjetër nuk u lëndua nga sulmi.
Familjarët ndodheshin në shtëpi, por nuk u lënduan. Fotot tregojnë se dritaret në katin e parë janë thyer, por pjesa tjetër e ndërtesës, duke përfshirë dritaret në katet e tjera, ka mbetur e paprekur.
Çfarë është raketa Hellfire P9X?
Zyrtarët amerikanë kanë përmendur përdorimin e raketave Hellfire dhe veçanërisht Hellfire AGM-114, të njohur për shpërthimet e tyre të fuqishme dhe dëmet shpeshherë anësore që ato shkaktojnë.
Gjurmët e mbetura pas sulmit amerikan në shtëpi sugjerojnë, siç theksoi në një postim në Twitter ish-gazetari investigativ amerikan Jay Hancock, se CIA përdori një lloj tjetër rakete – “Hellfire P9X”.
Weapon CIA used to get al-Zawahiri. Kinetic Hellfire R9X. No warhead explosives, just blades that swing out to kill only one guy. pic.twitter.com/0dwkC40003
— Jay Hancock (@jayhancock1) August 2, 2022
Kjo raketë njihet si “bomba ninja” dhe është zhvilluar nën administrimin e presidentit amerikan, Barack Obama.
Ai nuk ka ngarkesë shpërthyese dhe është i pajisur me gjashtë tehe që aktivizohen para goditjes, duke copëtuar objektivin pa asnjë efekt shpërthimi.
Përdorimi i “P9X” nuk është pranuar kurrë zyrtarisht nga Pentagoni apo CIA, dy entitetet amerikane përgjegjëse për vrasjet e synuara të liderëve ekstremistë.
Kjo armë misterioze u emërua “Flying Ginsu” sipas një reklame të famshme televizive nga vitet 1980 për thikat e kuzhinës të markës Ginsu, të cilat shpesh mund të prenë nëpër kanaçe alumini dhe ende mbeten krejtësisht të mprehta. /Telegrafi/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
SHBA-ja përgjon aeroplanët rusë
Dhjetë aeroportet më të pastra në botë - vetëm një është në Evropë
Vuçiq humb kontrollin gjatë konferencës, analisten amerikane Ivana Stradner e quan të çmendur
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak