Feronikeli e ka zyrtarizuar në stol, trajnerin prishtinas Afrim Tovërlani, që është trajneri i tyre i tretë për këtë sezon.
Kampionët në fuqi gjatë verës kishin ndarë rrugët me Zekerija Ramadanin, trajneri që e fitoi titullin dhe Kupën e Kosovës, ndërsa kishte pasur sukses edhe në garat evropiane.
Por që nga atëherë nuk janë bërë rehat me trajner, duke i ndërruar dy deri tani dhe duke e emëruar të tretin, shkruan Telegrafi.
Epoka Vukicevic
Në vend të tij erdhi trajneri malazez Dejan Vukicevic, që u zyrtarizua me 6 gusht.
Fillimisht ai nuk ishte pritur mirë nga tifozët vendas, shkaku u kombësisë së tij, por shpejt tifozët u qetësuan dhe besuan në aftësitë e trajnerit.
Një miqësore me Milanin, ishte ndeshja e tij e parë, ndërsa pas 12 xhiros, ai kishte mbetur pa punë.
Një humbje me Drenicën me rezultat 1-0 i kushtoi atij, duke e lënë Feronikelin në vendin e gjashtë me 19-të në atë kohë. Largimi i tij u zyrtarizua me 30 tetor.
Dështon projekti i Agim Sopit dhe Albert Bunjakut te Feronikeli
Nuk vonoi shumë dhe pas dy ditësh u zyrtarizua trajneri i ri. Me 1 nëntor, Agim Sopi mori drejtimin e Feronikelit.
Bëri shumë trajneri dhe lëvizje, duke liruar disa nga lojtarët kryesorë, por as këtij nuk i eci në pranverë.
Më 22 shkurt, klubi nga Drenasi u nda me trajnerin Agim Sopi dhe njeriun që e ofroi në klub, Albert Bunjakun, që punonte si këshilltar i presidentit.
Kthimi i Afrim Tovërlanit
Sot klubi e ka zyrtarizuar Afrim Tovërlanin, një njohje e vjetër, pasi edhe më parë ka punuar te Feronikelit, gjatë viteve 2015-17.
Toverlani e merr Feronikelin me 31 pikë, në vendin e 5-të.
Tovërlani e ka fituar katër herë kampionatin si trajner dhe dy herë Kupën. Ai u shpall kampion i Kosovës tre herë me Prishtinën, gjatë sezoneve: 2007/08, 2008/09 dhe 2012/13. Poashtu me FC Prishtina ai fitoi edhe Kupën e Kosovës gjatë sezonit 2012/13, shkruan Telegrafi.
Me Feronikelin arriti të shpallet kampion i Kosovës në sezonin 2015/16 dhe fitoi Kupën e Kosovës në sezonin 2014/15.
Feronikeli edhe pse ka mbetur prapa në kampionat, në Kupë është në gjysmëfinale dhe shihet si objektivi i tyre kryesor për të kaluar në Evropë.
Tovërlani ka folur për faqen zyrtare të klubit menjëherë pasi nënshkroi kontratën.
“E kam pranuar sfidën për t’u rikthyer në Drenas në një ambient të cilin e njoh shumë mirë, me shpresën se duke i bashkuar forcat do të arrijmë të rikthejmë rezultatet e mira dhe Feronikeli të rikthehet atu ku ka qenë në vitet e fundit”.
“Kam ardhur këtu të punojë më përkushtimin më të madh dhe angazhimin tim për tu sfiduar me punën dhe se bashku në këtë klub të organizuar shpresojë që do të ja arrijmë qëllimit”, ka thënë Tovërlani.
Kundërshtar i Feronikelit në Kupën e Kosovës është Ballkani, lideri i Superligës. /Telegrafi/
Promo
Reklamo këtuLufta Prigozhin - Putin
Më shumëSkuadrat që përfitojnë më shumë nga fanellat e tyre – askush nuk mund të mposhtë numrin 1
Modric ka një “plan B” në rast largimi nga Reali Madridi, do të luante në Ligën e Kampionëve me fanellën e një gjiganti tjetër
Luan për klubin e Ligës Premier, por befason të gjithë duke shkuar në stërvitje me fanellën e Interit
Pioli parakalon Conten në garën për t’u bërë trajner i klubit të njohur
Barcelona heq dorë nga sensacioni 16-vjeçar, Real Madridi përparon në bisedimet për transferimin e tij
“Garda” e vjetër e Man Cityt vendos rregull të ri rigoroz për parkimin e veturave në kampin stërvitor
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe