Sot (e enjte) janë në orar për t’u zhvilluar të tetë ndeshjet e parapara për fazën e 1/16-tës në Ligën e Evropës, ku nuk mungojnë ndeshjet e mëdha.

Pas të martës dhe mërkurës ku u zhvilluar ndeshjet e Ligës së Kampionëve, tani radha është për ndeshjet e garës së dytë evropiane për klube.

Liga e Evropës nis sot fazën e eliminimit direkt dhe tetë ndeshjet që janë në orar pritet të sjellin futboll atraktiv.

Padyshim se ndeshja kryesore e kësaj dite është ajo në mes të Barcelonës dhe Napolit, e cila pritet të zhvillohet në Camp Nou nga ora 18:45.

Reklama

Ndeshja interesante pritet të jenë edhe ato në mes të Portos dhe Lazios, si dhe RB Leipzig ndaj Real Sociedad.

Reklama

Pesë takimet tjera të ditës së sotme janë: Dortmund-Rangers, Sheriff Tiraspol-Braga, Zenit-Betis, Atalanta-Olympiacos dhe Sevilla-Dinamo Zagreb.

Këto përballje janë ndeshjet e para pasi ato të kthimit pritet të zhvillohen pas një jave. /Telegrafi/