Ramsey te Juve, Sanches te PSG, Paredes te Chelsea dhe shtatë transferimet e mundshme që mund të zyrtarizohen para mbylljes së afatit kalimtar të janarit

Afati kalimtar i janari edhe këtë vit po del të jetë mjaftë interesant ku nuk mungojnë blerjet e mëdha.

Klubet si Real Madrid, Barcelona, Chelsea, Milan, PSG e Manchester City vazhdojnë të punojnë për përforcime.

Kur kanë mbetur edhe një javë nga mbyllja e afatit kalimtar, janë edhe dhjetë transferime ‘bombë’ për të cilat po punojnë klubet.

Goal.com i ka renditur transferimet për të cilat është duke u biseduar.

#1 Declan Rice | Nga West Ham te Manchester City

Man City është shumë i vetëdijshëm se në skuadër e ka vetëm Fernandinhon në atë pozitë dhe po shikon opsionet.

I fortë dhe në atë pozitë është ylli i ri i West Ham, Declan Rice.

# 2 Callum Hudson-Odoi | Nga Chelsea te Bayern Munich

Callum Hudson-Odoi ka qenë kryefjala e këtij afati kalimtar, pasi që Bayern Munchen, i ka bërë katër oferta drejt tij, e fundit 40 milionë euro.

Bavarezët e shohin te anglezi një Jadon Sancho të ri në Bundesligë.

# 3 Denis Suarez | Nga Barcelona te Arsenali

Më parë ishte si një nga talentet më premtuese të Barcelonës, tani Denis Suarez nuk po ka vend as në 18-ën e trajnerit Ernesto Valverde.

Arsenali e do në huazim dhe transferimi është shumë i mundshëm.

# 4 Leandro Paredes | Nga Zenit te PSG

Leandro Paredes i Zenit pëlqehet nga shefi i Chelseat, Maurizio Sarri dhe shihet si zëvendësim i përsosur për Cesc Fabregasin, i cili shkoi te Monaco.

Blues e vlerësojnë lojtarin 30 milionë euro.

Por në mes është edhe Paris Saint-Germain, të cilët e kanë humbur De Jongun dhe ofrojnë më shumë, deri në 40 milionë euro.

# 5 Renato Sanches | Nga Bayern Munich te PSG

Me Adrien Rabiot drejt largimi dhe Marco Verrattin e lënduar PSG mund të sjellë edhe në një tjetër mesfushor përkrah Paredesit.

Pavarësisht se po luan mirë te Bayern, Renato Sanches mund të largohet nga Bayern Munich.

# 6 Josh Maja | Nga Sunderland te Bordeaux

Josh Maja i Sunderland ka treguar formë të lartë këtë edicion në Ligën e Parë (kategoria e tretë), duke shënuar 15 gola në 24 ndeshje.

20-vjeçari mund të përfundojë te Bordeaux.

# 7 Aaron Ramsey | Nga Arsenal te Juventus

Arsenali dhe Aaron Ramsey i kanë ndarë rrugë dhe lojtari tashmë ka marrëveshje me Juventusin dhe pret transferim në Torino.

Megjithatë ai mund të vijë që në janar,

Juventusi po shqyrton edhe një ofertë të fundit drejt Arsenalit edhe pse për verë e ka të sigurt si lojtar i lirë.

# 8 Ricardo Quaresma | Nga Besiktas te Porto

Ricardo Quaresma, ylli portugez, mund të kthehet edhe një herë në vendlindje.

35-vjeçari është të anulojë kontratën e tij me Besiktasin siç ka bërë Pepe.

Quaresma mund të kthehet te Porto.

# 9 Wilmar Barrios | Nga Boca Juniors te Roma

Wilmar Barrios i Kolumbisë dha një përshtypje të mirë me Boca Juniorsin.

Roma duket favoritë për t’i fituar shërbimet e mesfushorit për rreth 20 milionë euro.

Tottenham gjithashtu është i lidhur me lojtarin.

# 10 Alvaro Morata | Nga Chelsea te Atletico Madrid

Ardhja e Gonzalo Higuain në Stamford Bridge ka krijuar një efekt domino në të gjithë Evropën.

Milan e mori yllin e Genoas, Krzysztof Piatekun, ndërsa Alvaro Morata pritet të bashkohet me Atletico Madridin. /Telegrafi/