Ende nuk ka pranuar rinovimin me Dortmundin, top klubet evropiane pas Moukokos

Youssoufa Moukoko është talenti më i madh gjerman dhe ai po shkëlqen këtë edicion me Borussia Dortmundin.

Sulmuesi i talentuar ka më shumë hapësira këtë edicion, por ai është bërë një çështje në kampin verdhezi.

17-vjeçari është futur në vitin e fundit të kontratës dhe ende nuk e ka vazhduar atë, përkundër që bisedimet mes klubit dhe agjentit të lojtarit janë duke vazhduar.

Reprezentuesi gjerman këtë edicion ka zhvilluar 16 ndeshje, ku në 756 minuta në total ka shënuar katër gola e ka asistuar në pesë të tjerë.

Klubet më të mëdha evropiane janë duke përcjellë situatën e tij, pasi duan transferimin e tij si lojtar të lirë në verën e vitit 2023.

Sipas asaj që ka raportuar Sport Bild, skuadrat si PSG, Barcelona, Real Madrid, Liverpool, Chelsea, Manchester United e Bayern Munich janë në gjurmët e lojtarit.

Dortmund i ka ofruar Moukous një kontratë të re tre vjeçare me pagë prej 3,3 milionë euro në sezon, por talenti gjerman ka pretendime më të mëdha financiare. /Telegrafi/