Burimet e afërta me Kanye Westin thonë se ai po i bën të dashurës së re të njëjtat gjëra që ia bënte Kim Kardashianit

Julia Fox nuk e kupton se kush është, apo çfarë dëshiron.

Pak përpara se të gjente famën në filmin e vitit 2019, “Uncut Gems”, aktorja pranoi në një podkast të quajtur “We Met At Acme” se: “Unë jam me të vërtetë e destinuar për paratë dhe më pëlqen të jetoj rehat, është e vështirë ta balancosh atë dhe një burrë në këtë qytet”.

Tani, duket se ish-vajza e qendrës së qytetit i ka gjetur të dyja, shkruan Page Six.

Në një romancë të bërë publike dhe në dukje të kuruar për tabloidët ndërkombëtarë, Fox, 31 vjeçe, është duke dalë me reperin Kanye West, pasi u njoh me të në Miami.

“Julia dhe Kanye janë shpirtra të afërm: Ajo është me të vërtetë një prostitutë e famshme dhe ai po kërkon dikë që ta modelojë”, tha një socialist në New York që pretendon se e njeh prej së afërmi aktoren Fox. “Julia nuk e fsheh faktin se i pëlqen të gjitha këto. E gjithë kjo është si arti i performancës”, akuzoi më tutje ai.

Dyshja kanë qenë të pandarë që kur u njohën, me takimet e tyre të dokumentuara jo vetëm nga paparacët, por edhe nga fotografi personal i West. Reperi 44-vjeçar madje po ndërhyn në veshjet e aktores Fox duke urdhëruar që ajo të vishet sipas dëshirave të tij, njësoj siç bënte me ish-gruan Kim Kardashian, gjë për të cilën ajo dikur tha se e bëri të qante kur ai në një moment kundërshtimi, hodhi pothuajse të gjitha rrobat e saj.

“Kanye po bën me Julian atë që i bëri Kimit”, tha një burim i Kardashian. “Ai po kontrollon atë që ajo veshi – duke u siguruar që ajo të shfaqet si imazhi që ai ka në mendjen e tij”, shtoi tutje burimi.

Derisa ylli u kthye në xhirimet “Uncut Gems”, në të cilin ajo luan rolin e dashnores së re dhe ambicioze të Adam Sandler, Fox ishte më e njohur për veprimet e saj në skenën sociale të New Yorkut.

“Kam fotografuar Julian gjatë gjithë kohës, ajo ishte muza ime. Ajo ishte e dashuruar me drogën, ishte e çmendur, por të gjithë e pëlqyen”, tha një burim për The Post. “Kultura e saj ishin baret, skena e grafiteve, jeta e natës. Ajo bënte veshje me miqtë e saj dhe modelonte për artistë”, shtoi më tej burimi i afërt.

Burimi shtoi se Fox kishte burra të pasur, të moshuar që mund të kujdeseshin për të.

“Ajo kishte një të dashur më të vjetër që i dha një vend në Soho”, tha burimi. “Ishte ky djalë më i vjetër. Ajo e kishte këtë vend me një ashensor që hapej deri në apartament dhe po ngiste një Mercedes. Ajo nuk kishte punë, kështu që ne e dinim se ky djalë po paguante”, akuzoi më tej burimi i afërt që pretendon se e ka njohur atë më parë.

Në një bisedë jashtëzakonisht të pafiltruar në shkurt të vitit 2018, Fox tha për podkastin “Acme” se, në të vërtetë, linjat ishin të paqarta me një nga ish-at e saj.

“Kisha një të dashur më të madh për gjashtë vjet, dhe po, ai ishte i pasur. Por nuk ishte xhentëlmen”, kishte thënë ajo.

“Papritur kam një Mercedes Benz dhe Chanel që dalin nga shtëpia ime – dhe [njerëzit menduan] ose, oh, kam një të dashur të vjetër ose jam prostitutë. Askush nuk e merr parasysh faktin që jo, ndoshta ne ishim të dashuruar… Unë e kam emrin e tij tatuazh në gisht”, tha e dashura e reperit West.

Zeshkania bukuroshe është e lindur në Milano dhe u transferua në New York kur ishte gjashtë vjeçe, me babanë e saj kontraktor, Thomas, dhe vëllain e vogël Chris. Nëna e saj, Graziella Mercanti, qëndroi në Itali me një vëlla tjetër më të vogël, konfirmuan burimet familjare për The Post.

Ajo i tregoi Revistës ‘Rolling Stone’ se si u arrestua kur ishte adoleshente për vjedhjen e rrobave nga ‘Bloomingdales’ dhe ka qenë e hapur për betejat e saj me heroinën dhe pilulat, duke vuajtur nga një mbidozë gati fatale me drogë në moshën 17-vjeçare. Fox ka thënë se tani është esëll pasi iu nënshtrua rehabilitimit. /Telegrafi/