Qeveria gjermane: Sulmet brenda shtetit rus janë legjitime nga këndvështrimi i së drejtës ndërkombëtare

Qeveria gjermane i konsideron sulmet në territorin rus me armë të prodhimit ukrainas si legjitime nga pikëpamja e ligjit ndërkombëtar.

Kështu deklaroi zëdhënësi i kabinetit gjerman Steffen Hebestreit gjatë një konference të mërkurën, raporton cnn.

“Unë nuk dhashë një vlerësim timin (sulmit ukrainas me dron ndaj Moskës), por një vlerësim nga këndvështrimi i së drejtës ndërkombëtare. E drejta ndërkombëtare i konsideron sulme të tilla legjitime”, tha ai.

German government considers strikes by the Armed Forces of Ukraine against facilities on Russian territory legitimate from the point of view of international law.

Ukraine can launch strikes on Russian territory in self-defense against the background of a full-scale war, German… pic.twitter.com/fBSQK2nmnr

— NEXTA (@nexta_tv) May 31, 2023

Në të njëjtën kohë, Hebestreit vuri në dukje se, siç tha kancelari gjerman Olaf Scholz, Berlini po dërgon armë në Kiev për “mbrojtjen e territorit ukrainas”.

Dronët ukrainas sulmuan Moskën dhe rajonin e Moskës të martën në mëngjes. Sipas të dhënave të Ministrisë së Mbrojtjes së Rusisë, në sulm morën pjesë gjithsej 8 dronë, nga të cilët 5 u rrëzuan dhe 3 u shtypën nga sistemet e luftës elektronike.

Lexo po ashtu Sekretari i Jashtëm i Mbretërisë së Bashkuar: Ukraina ka të drejtë të mbrohet përtej kufijve

Dy persona kërkuan ndihmë mjekësore në Moskë, por nuk kërkuan shtrimin në spital. Disa ndërtesa pësuan dëmtime të vogla.

Ministri i Jashtëm britanik, James Cleverly beson se Ukraina ka të drejtë të sulmojë Rusinë jashtë territorit të saj. Ndërkohë, zëdhënësja e Shtëpisë së Bardhë, Karine Jean-Pierre tha se administrata amerikane nuk i mbështet sulmet e Ukrainës brenda Rusisë. /Telegrafi/