Pamje që tregojnë shkatërrimin që lanë pas – përmbledhje rreth protestave nga mbështetësit e ish-presidentit Bolsonaro në tri ndërtesat shtetërore të Brazilit

Demonstruesit kanë lënë një det shkatërrimi në ndërtesën e Kongresit në Brazil pasi sulmuan ndërtesat qeveritare në një përpjekje “për të përmbysur zgjedhjet” dhe për të detyruar ushtrinë t’ia kthejë pushtetin të mundurit Jair Bolsonaro.

Sipas mediave të huaja, përcjell Telegrafi, ndërtesat qeveritare në Brasilia po riparojnë dëmet e dhunës së paprecedentë që shpërtheu të dielën, me copa xhami, njolla gjaku, mobilje, kompjuterë qeveritarë dhe dosje të shpërndara në dyshemetë në ndërtesën e Kongresit, pallatin presidencial dhe Gjykatën e Lartë.

Ndërkohë hetuesit po përpiqen të kryejnë punën e tyre në orët pasi mijëra protestues të krahut të djathtë shpërthyen kordonin e policisë për të thyer ndërtesat qeveritare, duke shkatërruar vepra arti, duke vjedhur Kushtetutën e 1988 dhe duke sekuestruar armët nga një zyrë sigurie.

Në skenat e shëmtuara, policia përdori gaz lotsjellës, granata trullosëse dhe ujë të nxehtë, por fillimisht u pushtua nga kaosi pasi protestuesit madje rrahën për tokë një oficer policie duke e rrëzuar nga kali i tij dhe goditën me shkopinj si policin ashtu edhe kafshën.

Bolsonaro, i cili humbi zgjedhjet përçarëse të tetorit nga e majta e Lula da Silva, ka hedhur poshtë pretendimet e pasardhësit të tij se ai nxiti sulmin “fashist” dhe mbrojti të drejtën për “protesta paqësore”.

Pamjet tronditëse tregojnë gjithashtu një makinë policie që përshkon turmat me shpejtësi të madhe, ndërsa turmat e protestuesve ikin duke bërtitur të tmerruara.

Skena të tjera nga kaosi i ditës përfshinin një video të një demonstruesi që me sa duket bënte jashtëqitjen në një tavolinë brenda një dhome qeveritare dhe shumë protestues që u nxorrën jashtë ndërtesës së Kongresit Kombëtar me pranga pasi u arrestuan nga policia.

Lula u inaugurua vetëm një javë më parë dhe ai tashmë është detyruar të shpallë gjendjen emergjente dhe të vendosë gardën kombëtare në Brasilia.

A police car is driving into protesters in Brazil pic.twitter.com/CIvZf72b5t

— Jack Poso 🇺🇸 (@JackPosobiec) January 8, 2023

Ndërsa Bolsonaro, i cili besohet të jetë në Florida, ka refuzuar vazhdimisht të pranojë humbjen e tij në zgjedhje.

“Këta fanatikë fashistë kanë bërë diçka që nuk është parë më parë në historinë e këtij vendi”, citohet ë ketë thënë Lula, 77 vjeç.

“Ne do të zbulojmë se cilët janë këta vandalë dhe ata do të goditën me forcën e plotë të ligjit”.

Lula u kthye në Brasilia dhe pa dëmet në pallatin presidencial dhe në Gjykatën e Lartë.

Ai tha se do të punonte jashtë pallatit të hënën, pavarësisht nga të gjitha shkatërrimet. /Telegrafi/