Brad Pitt: Është rraskapitëse të ndjekësh trendët! Ndërsa plakeni, rehatia është më e rëndësishme!

Ndërsa ai është i rregulluar gjithmonë në tapetin e kuq me një kostum të përsosur, aktori i Hollywoodit Brad Pitt (57), preferon një stil të relaksuar të veshjes

Në një intervistë për revistën “Esquire”, Brad Pitt pranoi se nuk është i ngarkuar me modën dhe se stilin e tij të veshjes nuk mund ta quajë stil, transmeton Telegrafi.

“Më pëlqejnë veshjet njëngjyrëshe, por që ato të mos duken si uniformë. Më pëlqen thjeshtësia. Më pëlqejnë detajet e qepura, mënyra sesi i ndien rrobat. Kjo është e vetmja gjë që ka rëndësi për mua”, thotë aktori.

Brad Pitt pranon se i pëlqen të investojë në materiale luksoze dhe se nuk është i interesuar për veshjet që bien në sy dhe ato që janë në trend.

Aktori thotë se komoditeti është më i rëndësishmi për të.

“Më pëlqen ndjenja e fotoaparatit “Lecia” ose mënyra se si ndihet ora. Nuk dua të dukem mendjemadh, por nëse afrohesh, vëreje. Më pëlqen se si e ndieni astarin e kostumit. Detaje të tilla janë të rëndësishme për mua. Është shumë rraskapitëse të ndjekësh trendët. Dhe nuk mund t’i duroj tabelat e reklamave; Unë thjesht nuk dua të jem një tabelë reklamash”, thotë aktori.

“Ndërsa plakeni, nuk jeni në humor të mirë, ndërsa rehatia bëhet më e rëndësishme për ju. Mendoj se ky është shpjegimi”, përfundoi aktori.

/Telegrafi/