Urus do bëhet hibrid, dhe ky është vetëm fillimi (Foto)

Lamborghini do t’i hibridizojë të gjithë Super SUV-ët, në mënyrë që të jenë më të shpejtë dhe ekonomik

Për momentin, Lamborghini Urus është SUV-i më i fuqishëm që ekziston, pasi me 4.0-litra V8 prodhon 641 kuajfuqi, që i mundëson shpejtësinë maksimale prej 300 kilometrave në orë, transmeton Telegrafi.

Mirëpo, zyrtarëve të kompanisë italiane kjo nuk po u mjafton dhe po shikojnë që ta mbajnë në nivel të lartë edhe në të ardhmen. Zyrtari teknik, Maurizio Raggiani ka konfirmuar se këtyre makinave do t’ju shtohet edhe një motor elektrik, i ngjashëm me atë që përdoret te Porsche Cayenne Turbo S E-Hybrid, në mënyrë që mbahet titulli i SUV-it më të shpejtë.

Kjo do të thotë se mund të presim deri në 680 kuajfuqi, ndërsa Raggiani konfirmon se do të ndodhë brenda 18 muajsh. “I njëjti fat do ta pret Aventador dhe Huracan, pasi shtimi i teknologjisë elektrike, i lehtëson dhe e ndihmon sistemin e qarkullimit” ka përfunduar Raggiani.

Rritja e shitjeve të modeleve Urus, pritet të mbledhë fonde për zhvillimin e mëtejmë të kësaj teknologjie.

Ky është vetëm fillimi i një epoke të hibridizimit, që do t’i përfshijë të gjithë Lamborghinit, në një të ardhme jo shumë të largët. Megjithëse ky veprim po pëlqehet nga masa, entuziastët po e konsiderojnë si të panevojshëm, meqë makinat SUV nga Lamborghini, më nuk do ta kenë shpejtësinë për të cilën njihen. /Telegrafi/