FIFA ka zgjedhur skuadrën më të mirë të vitit apo “FIFA FIFPRO World 11”, ku nuk kanë munguar befasitë.

Virgil van Dijk është një nga dy lojtarët e Liverpoolit dhe një nga tre lojtarët holandezë që janë pjesë në “FIFA FIFPRO World 11”.

Van Dijk pati një sezon fantastik, duke fituar Ligën e Kampionëve me Liverpoolin dhe duke arritur në finale të Ligës së Kombeve me Holandën.

Portier është Alisson Becker, i cili e ndihmoi Brazilin të fitonte titullin Copa America dhe Liverpoolin në Ligën e Kampionëve.

Në mbrojtje përveç Van Dijk, janë edhe Matthijs de Ligt, Sergio Ramos dhe Marcelo.

Frenkie de Jong, Eden Hazard dhe Frenkie de Jong  janë votuar për mesfushë.

Sulmues janë Kylian Mbappe, Lionel Messi dhe Cristiano Ronaldo.

FIFPRO, Unioni Botëror i Lojtarëve, ftoi futbollistë profesionistë meshkuj në të gjithë botën që të zgjedhin një ekip me 1 portier, 4 mbrojtës, 3 mesfushorë dhe 3 sulmues për sezonin 2018-2019.

FIFPRO mori fletëvotime nga më shumë se 23,000 futbollistë në 68 vende. /Telegrafi/

2018-2019 FIFA FIFPRO 11 për meshkuj:

Portier

Alisson Becker (Brazil, Liverpool)

Mbrojtës

Virgil van Dijk (Holandë, Liverpool)

Matthijs de Ligt (Holandë, Ajax / aktualisht Juventus)

Marcelo (Brazil, Real Madrid)

Sergio Ramos (Spanjë, Real Madrid)

Mesfushorë

Eden Hazard (Belgjikë, Chelsea / aktualisht Real Madrid)

Frenkie de Jong (Holandë, Ajax / aktualisht Barcelona)

Luka Modric (Kroaci, Real Madrid)

Sulmues

Kylian Mbappe (Francë, Paris Saint-Germain)

Lionel Messi (Argjentinë, Barcelona)

Cristiano Ronaldo (Portugali, Juventus)

Lojtar (vend, skuadra e sezonit të kaluar)